C+【#搵食誌】 || CP值高的「蠔」門夜宴 - 〔銅鑼灣〕Casa Pennington ******************************** 近呢一年好多唔同地區，都開左唔少蠔吧、海鮮吧等等，當然唔同地區的消費有平有貴喇，不過最近同男友發掘左間好野，地點位於〔銅鑼灣〕鬧市區的酒店餐廳，唔好以為酒店餐廳，仲要食海鮮收費就一定貴，食物有質素之餘，價格都有驚喜。 ******************************** Casa Pennington 位置有少少隱秘，酒店門口都唔係太過顯眼，行過可能睇漏眼都唔奇。整間餐廳黎講，空間都算大，我地平日去人流唔算太多，枱與枱之間都有好大既空間感，唔會太迫。係餐廳的當眼位置，已經見到一個好大既海鮮吧位置，陳列晒一系列海鮮 & 生蠔，排得好整齊咁向我招手。 ******************************** 去到蠔吧當然係食蠔（$58 - 72/隻），每日都有6款生蠔做買一送一優惠，日日款式不同 ******************************** 落完Order，叫完蠔 & 海鮮，當然要準備定醬汁盤。 ******************************** 海鮮拼盤，我地選左新西蘭南極深海小龍蝦 & 2款生蠔 \\ 新西蘭南極深海小龍蝦（南極深海螯蝦）（160 / 隻） 呢款蝦係外面較少食，蝦身偏身有少少似瀨尿蝦，蝦肉晶瑩通透，食落肉質細嫩，有彈性。為左方便食我地食，餐廳仲幫我地開左邊，可以配wasabi & 豉油食，不過我自己較鍾意食原味，食得出蝦的鮮甜。 ******************************** 叫左兩款唔同既蠔，呢兩款是當日餐廳的買一送一。南非的蠔較少食得到。Size 都幾大下，有成隻手掌咁大。 \\ Namibia $65 / 隻 (South Africa) 肉色偏牛奶白，口感超Creamy，海水味不太重。 \\ Isabella $72 / 隻 - (France) 肉色較為爽身，口感較甜，海水味唔會太咸。 ******************************** 食完海鮮之後，再點了熱食 \\ Scallop Angel Hair $198 果底醬汁是清清地蔬菜汁，唔想食太濃味的幾好意粉選擇。配上三大粒帶子，只係外層略略煎香，內裡嫩滑，食落有2種唔同口感，皮面香口，內裡鮮甜，驚喜之選！ ******************************** 一餐做完美的句號，當然係甜品喇！ \\ Cream Crulee $78 燉蛋第一樣野，當然要蛋香 + 嫩滑，今次Order既甜品，完全符合既呢兩個條件，配上面層脆卜卜焦糖，外脆內軟，而且好香雲尼拿香味，原來加左好多雲尼拿，整體成個甜品唔會太甜，唔會太Heavy。 \\ Pear Tarte Tatin $128 一份都幾多，酥皮上配上啤梨，酥皮焗得好香，上要有焦糖配上啤梨，外脆內軟，成個甜品唔會太甜，份量都幾多。 ******************************** Casa Pennington銅鑼灣邊寧頓街13-15號隆堡柏寧頓酒店三樓 ******************************** | 講女C生活 | ｂy ms.Ｃ ♧ 80′s 後 x 100%土生土長水瓶港女 ♤ 講玩‧講食‧講扮靚；隨心講，隨心寫 ♧ 歡迎不同合作機會（試用 / 出席活動） ✉ mscammy.w@gmail.com -- - youtube channel - \ - ms.C - x 講女C生活 // \ -- follow Me \ facebook\ instagram \ -- ⌞ms.C⌟ 其他網誌 | blogsot | elle.com | ulifestyle | beauty exchange | | she.com | beauty qooza | theztyle | i-trial | | weshare | pixnet | style-tips |
