C+【#搵食誌】 || 日日都係情人節 - 【地中海 x 日式fusion菜】Gochiso 與其情人節正日同人迫住慶祝， 不如同情人提早慶祝 我既情人又點只一個 當然有時都要陪下好姊妹喇 -- 行開MK搵野食，見到商場樓下有廣告，見到好似好正咁，所以今晚姊妹們的浪漫情人節餐，就選定呢間！ -- Gochiso 門口較為隱秘，別有洞天，門口係另一間餐廳入面，要由門口服務生帶入去先去到餐廳內部，入面的裝潢都較暗，有少少浪漫的感覺。服務生安排了我地坐左係長梳化位，位置寬敞，叫多d野食都唔怕冇位放。 -- 餐牌訂左係上餐用木牌上，未食之前影返張相先。我地叫左Meat Lover Set for two $388，湯 x 2，前菜 x 2 ，意粉 x 1 ，Steak x 1，甜品 x 2，其實份量都夠3個女仔食 -- 先黎餐湯，有2款可以選擇，我地就各要一個，兩個湯都有蒜蓉包跟，蒜蓉包烘得好乾身，而且蒜蓉味香濃，用黎 \\ 特濃南瓜粟米忌廉湯 食得出南瓜蓉一絲絲的感覺，飲落清甜 \\ 鮮豆蔬菜濃湯 相反，呢款湯就係重口味之選，豆湯唔係出面到到可以飲到，成品味道偏咸，重口味人士可以試試。 P.S 食飯期間，聽到好幾枱客都有問，果豆湯係唔係煮錯左，但服務生都好細心解答味道問題，而且主動問有冇需要更換，呢個態度比個LIKE佢！ -- 前菜 x 2 \\ 炸魚&薯條配秘製香辣炸雞翼 食西餐，小食都唔少得煎炸野喇，炸雞翼辣味足夠，炸魚薯條好香口，唔會太油，份量唔算太多，用黎作開胃前菜剛剛好。 -- \\ 帕爾瑪火腿配蜜瓜配意大利沙律 食完煎炸野之後，當然要食返d蔬菜去平衡下。帕爾瑪火腿配蜜瓜都係唔錯既選擇，火腿充滿油香，而且唔算係薄切，配上香甜密瓜，兩者咸甜配搭剛好。 -- 意粉 x 1 \\ 和牛肉醬配馬斯卡芝士野菜扁意粉 日常食和牛，多數都係一片 / 一塊，今次食既意粉較為特別，以和牛整肉醬，配上馬斯卡芝士，加上茄肉，帶出左肉醬的味道。意粉彈牙，唔會煮到太淋，選用了扁意粉可以沾上更多肉醬 & 汁，味道好開胃。 -- 主菜 x 1 \\ 香烤安格斯牛小排配牛柳 用上迷你版的鐵板，上枱「滋滋」聲，未食之前眼球食先。細心之處，鐵板上上方鐵塊，可以自己調節肉的熟度，啱晒不同要求的朋友Share。一份牛牛，有兩款牛小排配牛柳，我較鍾意食牛小排，入口的質感較淋身。牛柳食之前，可以用鐵塊，稍為「辣一辣」牛柳表面，更加有煎香的味道，牛柳就肉身較厚，較有較口 -- 甜品 x 2 有幾款甜品選擇，基本是一樣，不過就配上唔同的Sauces，帶少少日式Style \\ 西班牙式燉蛋雪糕 簡簡單單燉蛋雪糕，第一次食呢款味道的雪糕，薑味都好重，配上蛋香味濃，唔算太甜。 -- \\ 西班牙式朱古力西多士伴雪糕 Fusion既甜品有少少似日式的甜品，呢款反而偏甜少少，西多士粒粒食落鬆化，拌雪糕食，啱晒鍾意食甜品的朋友仔。 -- 總結：$388 份量足夠3個人食，而且味道、用料、賣相都唔錯，最緊要多人都坐得舒服，位置寬敞唔會太迫！ -- Gochiso || 旺角彌敦道639號雅蘭中心2樓208號舖 -- | ms.C+ Makeup Space | x | 講女‧C生活 | ♧ 80′s 後 X 100%土生土長水瓶港女；隨心講，隨心寫 ♤ 唯美派棉花糖女系；愛玩、愛食、愛扮靚 ♧ 身兼多職 - Blogger + Makeup Artist + OL ♤ 歡迎不同合作機會（試用 / 出席活動） ✉ mscammy.w@gmail.com -- - youtube channel - \ - ms.C - x 講女C生活 // \ -- follow Me \ facebook\ instagram \ -- ⌞ms.C⌟ 其他網誌 | blogsot | elle.com | ulifestyle | beauty exchange | | she.com | beauty qooza | theztyle | i-trial | | weshare | pixnet | style-tips |
