C+搵食團 || 食肉獸推介 - 【銅鑼灣】尚鮮日式燒肉漁市場 -- 都仲係HAPPY NEW YEAR先 聖誕新年 緊接農曆新年 飯局何其多 不停食食食 [ ms. C ] 今年第一個願望就係食極唔肥先 先可以同大家介紹好多唔同既美食 ** 就黎要改名 ** 【跟住肥妹去搵食】 -- 同一大班朋友飯局 最怕做搞手搵餐廳 因為每個人想食既野唔同 就得呢個黎就唔到果個 所以食放題 就係最好既選擇 因為鍾意食咩就叫咩 -- 今次C+搵食團又再次出動了 [ ms. C ] & fdssss去左 【銅鑼灣】尚鮮日式燒肉漁市場 -- 尚鮮主打日式燒肉 + 任食放題 啱晒一大班朋友一齊去食 好多唔同既款式選擇 食燒肉又得 食刺身熟食又得 又黎一晚食肉獸之夜 -- [ ms. C ] & fdssss 食早段時間 所以人流唔算太多 尚鮮有好多位置都係卡位設計 如果成班朋友一齊食 可以有較私隱空間 -- 位同位之間都寬落 應該坐滿人都唔會太迫夾 -- 飲品選擇都有好多唔同既選擇 一般既汽水果汁都有 仲有幾款韓國飲品提供 -- 有野飲之外 當然到主打有咩食喇 先講講有咩燒肉食先 -- 尚鮮其中一個特別之處 平時食放題 好多時都係畫飛仔 但係尚鮮就係電腦化 用平板電腦輸入 最好既地方就係入幾多黎幾多 逐件逐件計數 方便唔同人自己既選擇 邊樣有邊樣冇 一目了然 -- 已經安排左好多唔同既醬汁準備點肉食 仲有玫瑰岩鹽提供 配牛肉一流 -- 好多時 D 肉肉有好多唔同既位置 有時連D名都好特別 唔知係咩部位 -- 尚鮮就係餐廳好多地方都有貼上 豬 & 牛既部位圖 咁就知道食緊咩部位 Encore 都方便D 要邊樣叫邊樣 -- 肉肉上枱都好新鮮 見到肉與脂肪比例址勻 食落肉質冇乜雪味 燒完之後都好有肉汁 唔係將貨就價 -- 有原肉 & 醃肉選擇 其中牛舌厚切 燒完後簡單加上玫瑰岩鹽 即變鹽燒牛舌 -- 雞亦都係唔錯既選擇 餐廳好細心已經將雞亦開邊 容易控制火喉 可以燒得乾身D -- 除左有肉肉之外 其中一個推介之選就係海鮮類 餐單上有好多唔同燒海鮮選擇 貝殼類、蝦都係燒烤既最好夥伴 -- 其中燒蠔 & 帆立貝都係唔錯既選擇 2款貝殼類既肉質都好厚肉 新鮮之餘 加上都係任食家 可以叫多幾轉 值回票價 -- 細心推介 有d燒烤食品會用錫紙盤仔入住 可以整d有醬汁燒烤 -- 呢個唔記得叫咩名 好似係四川雞煲 不過好入味 幾辣下 -- 清酒煮帆立貝 酒味唔算太重 邊燒邊滾住食 又濕又暖笠笠 -- 除左燒肉之外 仲有其他日式食品供應 估唔到都同樣有水準 -- 刺身類款式都算多 而且新鮮 -- 其他熟食小食都OK -- Last 當然有甜品 Movenpick 雪糕（每人一杯） 仲有隔離果隻Tiramisu 大褔 Tiramisu既味道 大褔QQ既感覺 Perfect Match -- 總結 $268 + 10% 呢個價錢唔算太貴 食物都唔使等太耐 冇漏單既都情況出現 而且各類食品都唔係將貨就價 CP值高 可以Encore -- 尚鮮日式燒肉漁市場 銅鑼灣謝斐道496號金利文廣場3樓 -- | ms.C+ Makeup Space | x | 講女‧C生活 | ♧ 80′s 後 X 100%土生土長水瓶港女；隨心講，隨心寫 ♤ 唯美派棉花糖女系；愛玩、愛食、愛扮靚 ♧ 身兼多職 - Blogger + Makeup Artist + OL ♤ 歡迎不同合作機會（試用 / 出席活動） ✉ mscammy.w@gmail.com -- follow Me \ facebook\ instagram \ -- youtube channel \ - ms.C - x 講女C生活 // \ -- ⌞ms.C⌟ 其他網誌 | blogsot | elle.com | ulifestyle | beauty exchange | | she.com | beauty qooza | theztyle | i-trial | | weshare | pixnet | style-tips |
