C+搵食團 || 食肉獸的近江和牛戰場 - 牛禪燒肉日本料理 -- 呢排天氣涼涼地 又同一玩好朋友飯局 都係一群食肉獸族群 平時多數都係任食邊爐 -- 不過今次就轉一轉口味 改食日式烤肉 專攻日本牛肉 -- 朋友們既放工時間不一 每次食飯都要前後腳出現 多數都係先到先等 所以先叫住d 前菜 & 飲品 邊食邊等 -- 我地去既時候尚早 所以未見好多人 望落位與位之間都寬落 就算Full House 都應該唔會太迫 -- \\ 梅乃宿柚子酒 300ml - $180 \\ 萬歲樂 加賀梅酒 300ml - $190 -- 朋友們叫左呢兩款酒 [ ms. C ]係咁易細酌左幾啖 兩款都算易入口 唔會太嗆 特別係柚子酒 柚子味濃 女仔都可以飲到 -- \\ 三點前菜 - $15/位 有醃製左既蒜頭、牛蒡 & 鮑魚 [ ms. C ]就鍾意食牛蒡 甘甘甜甜 -- \\ 味醂魚干 - $98 [ ms. C ] 係一個唔食魚既人 因為怕腥 不過呢碟魚干食落冇乜腥味 有咬口 幾啱用黎伴酒 邊等邊食 -- \\ 一口芝士 - $88 一大舊炸芝士 外皮炸到金黃酥香 入面係軟淋淋既芝士 -- 開頭以為會好漏 但食落芝士味好香之外 咸咸香香咁 都係唔錯既伴酒小食 -- P.S 不過要小心 唔好一上枱就咬落去 唔係好容易辣親 -- \\ 茄子雜菜沙律 - $78 -- 好多時食既沙律 多數都係未經煮熟既菜多 今次呢個沙律 加入左煎熟左既茄子 加入醬汁 食落清清地 啱晒用黎做開胃前菜 -- 今日係日本牛之夜 到其中一個主角喇！ -- \\ 近江和牛雪山 - $880（需提前一日預訂） 呢個近江和牛雪山 朋友要提前一日預訂家 -- 紅噹噹既近江和牛刺身 中間加入了乾冰 形造噴煙效果 堆成一個雪山咁 呢個造型 上到枱唔相機食先真係唔得 -- 餐廳介紹時 話可以點其他唔同嘅醬汁 （山芋蓉、Wasabi、仲有樣唔記得左） 之不過[ ms. C ]就覺得都係原始風味 原汁原味最好食 -- \\ 五品刺身 - 響螺 - $248 - 原條飛魚 - $348 - 金目鯛 - $188 - 深海池魚 - $168 - 牡丹蝦 - $78/隻 -- 食日本點少得刺身呢 餐廳幫我地揀左幾款時令海鮮比我地 果五品刺身上枱時 就咁睇未食都已經賞心悅目 唔同既魚有唔同既顏色 砌到成幅畫咁 -- 而且刺身新鮮鮮甜 就算唔使加醬汁 食出唔同魚既鮮味 & 質感 -- 主角又再次出埸喇 食完生既\\ 近江和牛 之後就到熱食出場 -- \\ 燒肉拼盤 - 近江西冷 - $560/100g（左上） - 近江牛肩 - $168（左中） - 近江牛頸脊 - $138（左下） - 鱈場蟹腳 - $268（右上） - 和牛牛舌（厚切）- $188/100g（右下） -- -- 叫左果燒肉拼盤 我地每樣都叫左少少 試下唔同既部位 -- 牛舌唔係一個人人都食既部位 不過係呢度食到既厚切和牛牛舌 味道香濃之外 厚切口感爽口彈牙 有少少入口即溶既感覺 -- 而其他既牛肉 肉色鮮紅 望落脂肪比例分布平均 每款肉質感覺都唔同 肉汁豐富 -- 3款牛肉入面 [ ms. C ]就較為偏愛近江西冷 因為有一層厚厚既脂肪層 燒完之後 油份「迫」既出黎 香味十足 -- 至於牛肩 纖維組織較細 食落嫩滑 -- 牛頸脊 質感較為厚實 較有咬口 -- \\ 牛油露筍炒野菌 - $78 食完咁多肉肉之後 要食返d蔬菜 用牛油炒野菌 好香牛油味 雖然用牛油炒 但都唔會太油 -- \\ 日式布甸（紅茶/椰汁/芒果）- $38 甜品方面 [ ms. C ] 就揀左紅茶布甸 好香濃既茶味 一 d 苦澀味都未 食埋果香滑既布甸 為呢餐食肉獸戰場 畫上句號 -- 牛禪燒肉日本料理 | Gyuuzen Japanese Restaurant 銅鑼灣告士打道280號世貿中心13樓1302室 -- | ms.C+ Makeup Space | x | 講女‧C生活 | ♧ 80′s 後 X 100%土生土長水瓶港女；隨心講，隨心寫 ♤ 唯美派棉花糖女系；愛玩、愛食、愛扮靚 ♧ 身兼多職 - Blogger + Makeup Artist + OL ♤ 歡迎不同合作機會（試用 / 出席活動） ✉ mscammy.w@gmail.com -- follow Me \ facebook\ instagram \ youtube \ -- ⌞ms.C⌟ 其他網誌 | blogsot | elle.com | ulifestyle | beauty exchange | | she.com | beauty qooza | theztyle | i-trial | | weshare | pixnet | style-tips |
