C+搵食團 || 秋冬進補滋味菜 - 【天后】御名軒 呢幾日有啲涼涼地 天氣開始感覺秋意 有步近冬天一步啦 -- 除咗衫要換季之外 當然唔少得食野喇 兩者都要與時並進 唔同季節要食唔同既野 -- 最近 \\ ms.C 就同朋友飯局聚一聚 順便食返啲啱時節秋冬菜式喇 -- 講明秋冬菜式 當然先介紹秋冬先有既菜式喇 -- \\ 清蒸大閘蟹 - $48/隻 最愛既大閘蟹又黎 依家農曆十月 就係食蟹公既季節 \\ ms.C 最愛食蟹公 -- 雖然望落雖然細細隻 但放上手都幾夠份量 連腳計都有成隻手掌咁大 -- 一撕開 即時爆膏爆油 蟹公既膏就比較淋身 -- 好多人都知食大閘蟹會好寒 食完蟹之後 仲有陳年普洱沖既薑茶 -- 計落條數 唔使自己落手洗蟹 + 蒸蟹 仲有薑茶飲 都有方便 & 抵過自己係屋企整 -- \\ 古法羊腩煲 - $198 話明食秋冬進補滋味宴 冬天又點少得食羊腩煲 -- 羊腩煲份量都好多下 羊腩炆得夠入味 而且保留左肉嘅質感唔會太淋 -- 附送時菜一碟 羊肉汁灼菜簡直一流 -- 除左有羊腩之外 有部份有黐住皮 & 骨位 啱晒唔同朋友'sss既口味 -- 除左秋冬食既菜之外 御名軒既其他小菜都好好味 -- \\ 手肘乳豬沙律 - $198 平時食既乳豬 好多時都係一件件 用筷子夾住黎食 最多就加多件飽 包住一齊食咁 -- 不過今次食既乳豬 就比較特別 切得比較大件 用錫紙包住件乳豬 可以落手食都得 -- 乳豬皮烤到脆卜卜 而且肥瘦剛好 唔會太油淋淋 -- 加上配以西式沙律食 可以解一解油膩感 -- \\ 御名小炒皇 - $98 朋友'sss 食下飯唔多唔少 都會飲返兩杯 -- 炒得好香既韭菜、腰果、蝦仁等等 小炒皇鹹鹹地 用黎拌飯 & 拌酒一流 -- \\ 流沙帶子賽螃蟹 - $98 呢個又係拌飯一流既菜式 雖然有好多地方都有得食 不過好唔好食又另一回事 -- 蛋白炒得好香之餘 都唔會太老 仲依然嫩滑 -- \\ 咕嚕明蝦球 - $148 咕嚕肉食得多 咕嚕蝦球都較少食 -- 炸漿唔會太厚太乾 蝦肉食落新鮮爽口彈牙 -- 總結全部小菜既份量都好多 三五知己去到 都唔會話唔夠分 -- 最好就係地點就腳 一出【天后】地鐵站就已經到 -- 御名軒 | Royal Legend 天后電氣道22-52號金殿大廈1樓 -- | ms.C+ Makeup Space | x | 講女C生活 | ♧ 80′s 後 X 100%土生土長水瓶港女;隨心講,隨心寫 ♤ 唯美派棉花糖女系;愛玩、愛食、愛扮靚 ♧ 身兼多職 - Blogger + Makeup Artist + OL ♤ 歡迎不同合作機會(試用 / 出席活動) ✉ mscammy.w@gmail.com -- Follow Me facebook | instagram -- ⌞ms.C⌟ 其他網誌 | blogsot | Elle | ulifestyle | beauty exchange | | theztyle | she.com | beauty qooza| i-trial | | weshare | pixnet | style-tips |