C+搵食團 - 給眼睛吃一口甜品【銅鑼灣】ATUM Desserant 甜品店依家開到成行成市 日式、韓式、西式既都有唔少 依家仲有唔少米芝蓮介紹既甜品店加入戰場 依家普普通通既甜品 都已經唔可以滿足 ⌞ms.C⌟ -- 好多時食甜品 見到好多外形好靚 睇完會即時心心眼既甜品 有時都係好睇唔好食 -- 不過今晚 ⌞ms.C⌟ & 友人'sss 就去左 除左食一個甜品之外 連眼睛都可以「吃」一口 -- \\ ATUM Desserant 唔係好大 大約20個位置左右 -- ⌞ms.C⌟ 同友人'sss 食完晚飯 差唔多都成22:00 上到去 都要等一陣位先有 -- 呢到多數都係一對對既情侶黎食 若果大家同另一半去食 預早booking就唔怕要等位喇 -- 上到黎 當然要食呢到既Signature 甜品畫 -- 先黎2支試管鮮石榴汁 飲落微酸 好清新既味道 用黎清一清味蕾 -- 之後就可以 選擇要咩墊枱既膠布 白、黑、灰 任君喜愛 我地就揀左灰色 -- 攤開畫布之後 由甜品師為我地服務 展開我地今次既美食藝術之旅 -- 甜品畫就係利用唔同既食材 + 醬汁 配搭成一輻美美既拼圖 -- 係整緊甜品畫既同時 甜品師都同我地一邊講解 今次有咩食材 期間唔會有悶場 -- 仲可以比我地自己親手 落手試下整 -- 原來甜品畫食材 會不定期改變 每次都有機會用上唔同既食材 -- 甜品師就係布上面隨心發揮 所以每次既Platen & 食材都會唔同 唔使一陣間 就整好一幅食得又睇得既甜品畫喇 -- 仲可以因應客人要求 係畫布上面寫字 當然同另一半黎晒 仲唔冧豬晒 -- 至於有咩食 就會因應唔同季節 & 當日既食材 有所唔同 今次我地就係食初秋食材 -- 成份甜品既顏色 無論味道定係顏色都好吸引 -- 其中有部份更加 意想不到 其中紅蘿蔔奶凍 估唔到紅蘿蔔 都可以加入甜品 食落清甜 -- 而柑桔味啫喱 食落酸酸甜甜 -- 綠茶慕絲、朱古力布甸 鮮果、乾果、焦糖等等 -- 加上粉紅色既龍鬚糖 配上兩款由液態氮 而成既分子雪糕 -- 成個甜品組合 加加埋埋都有成10+配料 -- 雖然望落全部都係細細粒 但食下食下 都入幾飽肚 -- 最後加配一杯 \\ Rose Latte 好幸褔喔 -- 視覺 & 味覺既美食之旅結束 多謝大家欣賞 -- ATUM Desserant 銅鑼灣駱克道459-461號The L. Square 16樓 -- | ms.C+ Makeup Space | x | 講女C生活 | ♧ 80′s 後 X 100%土生土長水瓶港女；隨心講，隨心寫 ♤ 唯美派棉花糖女系；愛玩、愛食、愛扮靚 ♧ 身兼多職 - Blogger + Makeup Artist + OL ♤ 歡迎不同合作機會（試用 / 出席活動） ✉ mscammy.w@gmail.com -- Follow Me facebook | instagram -- ⌞ms.C⌟ 其他網誌 | blogsot | Elle | ulifestyle | beauty exchange | | theztyle | she.com | beauty qooza| i-trial | | weshare | pixnet | style-tips |
