C+搵食團 || 初嚐泰國東北菜 - 【銅鑼灣】18巷泰國餐廳 呢排可能天氣時涼時熱 果人好似特別易攰咁 好想食啲特別野刺激下 -- 本身自己唔係好嗜辣 係以前朋友飯局話去食泰國野 我多數都會Say No. 不過突然間想搵d特別野食下 所以就陪左佢哋去 \\ 18巷泰國餐廳 | Soi 18 Thai Cuisine 一間專門食泰東北菜 ⌞ms.C⌟ 依家先知 原來泰菜係有分四大菜系 分別為泰北菜、泰東北菜、泰中菜、與泰南菜 反映泰國四方不同的地理和文化 -- 而泰東北菜特式 就係會同寮國菜一樣善用青檸汁 原來係香港主打泰東北菜的餐廳其實好少有 -- 今次去既 \\ 18巷泰國餐廳 | Soi 18 Thai Cuisine 位於銅鑼灣世貿中心 未入到門口 已經見到一座泰國味十足大象擺設係門口 -- 入到裏面位置都算多 特別係有部份係長既大枱 可以方便一大班朋友黎食飯 -- 依家同友人'sss食飯 好少可以約到同一時間出現 所以我地都係邊住野飲 食住小食邊等齊人 -- 飲品方面 基本泰國餐廳既特飲、冰冰都有 ⌞ms.C⌟ 就Order左個 \\泰式特飲 - $55 -- 用原隻椰青打成沙冰 飲落清甜 而且透心涼 -- \\ 小食篇 食得泰國 / 東南亞美食 鮮蝦刺身 & 沙爹串當然唔少得喇 -- \\ 泰式鮮蝦刺身 - $118 蝦刺身新鮮鮮甜 由於 ⌞ms.C⌟ 唔太食辣 所以只係點左少少醬汁 -- 醬汁青檸味重 食落好香 ⌞ms.C⌟ 都只係點左少少醬汁 不過都辣 & 嗆 唔食辣既朋友要注意 -- \\ 泰式沙爹 $24/串 最愛大啖肉既雞串 雞串燒到表面有少少焦香 Keep到內裡肉嫩 唔會燒到太乾 -- 配上好香花生味沙爹醬 仲食到果醬有少少花生粒 唔會太辣 -- \\ 泰東北特色“NHEAM”豬軟骨 - $118 平時食豬軟骨好多時都係放湯 食炸既豬軟骨 感覺食落有d似雞軟骨 不過就多肉d -- 炸得唔會太乾 用生菜包住 & 其他配料一齊食 有花生、青檸、蔥、辣椒仔等 冇咁油膩 -- \\ 泰式燉花膠 - $398 泰國有唔少華人居住 或多或少 飲食文化都被感染 唔知食花膠既文化 係唔係華人帶過去 -- 成煲燉花膠用料充足 湯頭飲落濃味 花膠都好大塊 而且食落花膠厚身 有咬口 冇乜腥味 食多啖補充下膠原 -- 泰國好似同榴槤永遠都係一個等號上面 有泰國就等於有榴槤 榴槤除左可以用黎做甜品之外 原來仲可以用黎煮咖喱家 -- \\ 干咖喱榴蓮燴牛展 - $168 平時我地食咖喱 配既蔬菜類 多數都會係薯仔之類既野 -- 今次食既咖喱就好特別 用生既榴蓮燴牛展 食落既口感同一般全熟既榴蓮口感有好大分別 -- 食落榴槤味唔會太重 只係好輕微 而且食到一絲絲既粗纖維質地 口感比食薯仔更好 -- 牛展都燴得剛好 唔會太硬 -- 畫龍點晴之作 \\ 酥皮 - $28 好多時食咖喱 會點薄餅或者麵包去陪襯 今次配既係飲酥皮湯既酥皮 -- 酥皮既牛油香 用黎配咖喱汁食一流 就算冇晒汁 就咁食好香 -- \\ 甜品篇 雖然同枱既友人'sss 有唔好榴槤既人 不過我地一於少理 係我地既甜品清單入面 都有榴槤喇 -- 榴槤係一樣令人又愛又恨既野 有人會好愛 有人會好抗拒 -- 係18巷泰國餐廳 有一個係榴槤迷必定瘋狂尖叫既 \\ 貓山皇榴蓮糯米飯 - $358 -- 糯米飯配上成隻手掌咁大既貓山皇肉 未食已經聞到榴蓮既香 食落口入感覺好厚身既榴蓮既肉 而且仲有一絲絲既感覺 -- 唔食榴蓮既友人'sss 就叫左 \\ 泰式香芒椰汁糯米飯 - $88 -- 有成半隻芒果肉係到 芒果勁甜 配上香滑既椰汁 + 黑白糯米飯 正 -- 人多既好處 就係可以多叫幾款野食 甜品我地仲叫左 \\ 三色布甸拼盤 - $108 -- 有椰汁、芒果、紅茶 私心推介紅茶布甸 聽聞係由餐廳既泰國師傅親自製作 食落好香紅茶味道之外 仲可以保持到布甸既幼滑程度 記得要加埋淡奶食 會更加香滑 茶味更加出 -- 18巷泰國餐廳 || Soi 18 Thai Cuisine 銅鑼灣告士打道280號世貿中心13樓1302B室 -- | ms.C+ Makeup Space | x | 講女C生活 | ♧ 80′s 後 X 100%土生土長水瓶港女；隨心講，隨心寫 ♤ 唯美派棉花糖女系；愛玩、愛食、愛扮靚 ♧ 身兼多職 - Blogger + Makeup Artist + OL ♤ 歡迎不同合作機會（試用 / 出席活動） ✉ mscammy.w@gmail.com -- Follow Me facebook | instagram -- ⌞ms.C⌟ 其他網誌 | blogsot | Elle | ulifestyle | beauty exchange | | theztyle | she.com | beauty qooza| i-trial | | weshare | pixnet | style-tips |
