C+搵食團 || 與OPPA大杯酒大塊肉 - 【銅鑼灣】達人包車 睇韓劇 見到d韓國女仔成日都大塊肉大杯酒咁隊 之前已經勁想試下 不過朋友之間都一直唔太好大塊肉既野 難得搵到友人'sss由好遠水路過黎香港呢邊陪我搵食 當然要捉佢陪我大塊肉大杯酒咁隊喇 -- 2個女人仔 就咁開始左瘋狂大杯酒大塊肉一晚 -- 銅鑼灣食韓國野既鋪頭 開到成行成市 就係京都廣場都有成5間韓國野 樓下就有勁多姐姐係到拉客 所以我地都係點指 達人包車 -- 我地7:00 上到餐廳 都唔算太多人 係門口等位果陣 門口果位應該係韓國Oppa黎 要用上英文同佢地溝通 -- 上到餐廳當然要播返K-POP Music 枱多數以2人 & 4人枱為主 如果人多既可以拼枱成為大長枱 10幾人一齊食都唔係問題 -- 我地2個女人仔 就安排坐張兩人枱 枱面寬闊 而且位同位之間都唔算太迫 都夠空間感 -- 一坐底服務生 都好快手已經放好晒水壺水杯 當然例牌會放底d例牌既餐前小食 泡菜、粟米沙律、酸瓜 -- Menu都幾多野選擇 例牌既部隊窩、石鍋飯 其實我地兩個女人仔 都唔係好食得辣 落Order之前 都先問左服務生d野辣既程度 -- 等左一陣 就先上左飲品先 是晚主題 - 大杯酒大塊肉 酒邊少得呢 -- 飲品篇 我地叫左果好搞鬼既 \\ 吊環雞尾酒（石榴）500ml - $78 上枱果陣會好大陣象咁 服務生會生架起果鐵架 再勾包吊環雞尾酒上去 -- 要點飲呢? 就係好似打點滴咁 慢慢咁滴落個杯到 我地叫既係石榴味 成包紅噹噹咁成包血咁 -- 利用管道放d飲品落黎 唔好睇好似好細包 都斟到3-4杯左右 -- 飲落唔會太重酒味 少少酸酸地既味道 都算容易入口 啱晒 ⌞ms.C⌟ 呢d唔太飲得既人 -- 食物篇 有酒飲 當然就到大塊肉上場喇 食既主菜都有返咁上下份量 -- 服務生推薦我地食一款新菜式 \\ 斧頭排骨（牛肋骨） （$210 / 1pc；$ 388 / 2pcs；$530 / 3pcs） -- 聽到斧頭排骨好似好特別 英文仲要Mark住King Size 又唔係成日係出面食到 所以我地就叫左2支 挑戰下自己食量 -- 上到枱真係 WoW 真係超大條 睇到兩條King Size 既斧頭排骨 有少少好似睇緊「聰明笨伯」野人既年代 仲粗過靚女朋友隻手 -- 食既時候都唔係成支揸住食 我地影完相玩完之後 服務員會幫你起骨剪開一粒粒咁 同埋煲入面既配料一齊煮 -- 牛肋骨索晒d醬汁 而且肉嫩唔會太韌 食落有少少似炆到好淋既牛腩 有少少肥肉位 好香牛味 -- 入面有好多三色椒、洋蔥、菇菇薦底 食落果醬汁甜甜地 兩個人義唔多食左8成都唔會太漏 -- P.S 建議大家可以遲d先食菇菇 因為煮多陣索多d汁更加好味 鍾意食肉既唔好錯過 -- 食得韓國野 無理由唔食「芝士」既 貪心既我地就叫多左個既 \\ 辣炒雞排 $220 -- 例牌都一大個圓鐵盤 橙噹噹既中間放滿雞排 & 年糕 多圈就有 用黎點雞食既芝士 一隔腸仔 一隔小蕃茄 -- 雞排食落都好嫩滑 辣炒雞排既辣唔算太辣 大約同泡菜既辣到差唔多 所以 ⌞ms.C⌟ 呢d唔太食得辣既都可以入口 -- 芝士食落香濃 仲可以用黎玩拉絲 -- 用黎點雞 / 年糕 一齊食一流 -- P.S 美中不足既就係芝士唔係無限添加 食完要加錢 -- 另外追加 \\ 炒飯 $30 -- 炒飯入面有生蛋、紫菜、碎蘿蔔粒、芝麻等 當食到咁上下 服務員就會主動幫你將果炒飯加入中間 炒辣雞既位置 -- 飯粒索晒炒辣雞汁既味道 仲有外面餘下既芝士 加既入個飯到一齊食 唔勁唔覺又食多兩碗 -- 兩個女人仔 邊傾邊食咁就食晒成枱野 有時真係唔好睇少女人既「食力」呀！ -- P.S成晚有3枱人生日 服務員會親自將蛋糕捧到你枱面 仲有全體服務員圍住生日果枱 齊齊唱生日歌 -- 達人包車 || 銅鑼灣駱克道491-499號京都廣場3樓 -- | ms.C+ Makeup Space | x | 講女C生活 | ♧ 80′s 後 X 100%土生土長水瓶港女；隨心講，隨心寫 ♤ 唯美派棉花糖女系；愛玩、愛食、愛扮靚 ♧ 身兼多職 - Blogger + Makeup Artist + OL ♤ 歡迎不同合作機會（試用 / 出席活動） ✉ mscammy.w@gmail.com -- Follow Me \ facebook \ instagram \ -- ⌞ms.C⌟ 其他網誌 | Blogsot | Elle | Ulifestyle | Beauty Exchange | | Beauty Qooza | she.com | The Ztyle | i-trial | | Weshare | pixnet | style-tips |
