C+搵食團 || 情迷海膽 - 【富士山55】霸氣海膽沾麵 -- 又到月頭喇 出左糧就係任性既時侯 是日又同友人'sss 去左銅記行街Shopping -- 本來想住去某間台式 Cafe 不過又係要排隊 所以轉戰另一間附近既餐廳 - 富士山55 (拉麵沾麵專門店) -- 富士山55 係富豪酒店背面 平時呢個位置都好少行過黎 又冇大招牌 唔係特別顯眼 如果唔係專程搵都冇乜留意 -- 不過可能因為位置既關係 & 時間尚早 人流唔係好多 較其他同區既拉麵店少人 一去到都即時有位 -- 一般拉麵店隔局 唔係好多位置 就分有矮枱 & Bar枱位 牆上仲有掛物勾 啱晒我呢d咩大袋既人 唔使攬住果袋食野 -- Menu都有唔少野選擇 拉麵沾麵都各有4 - 5 款 普通款既有豚骨湯、櫻花蝦、辛辣等等 價錢由$83 ~ $93 -- 不過 ⌞ms.C⌟ 就唔係叫普通款式 而係比牆上既「海膽沾麵」海報吸引住 沾麵食過無數咁多次 「海膽沾麵」就較少見到 -- 「海膽沾麵」價錢 比起其他普通款式有點貴 不過出糧就可以短暫任性 就食一次霸氣拉麵「海膽沾麵」 -- \\「海膽沾麵」$188 呢個應該係我暫時 食過最貴既沾麵 但上上枱果刻你就會覺得值回票價 有三大舊既海膽係麵 仲有唔少三文魚籽 已經心心眼 -- 粗略估計 有超過半檔既海膽 海膽食落鮮甜唔腥 唔使加任何調味都可以入口 -- 配以濃厚質感既海膽湯 湯頭鮮味 唔會太咸 而且有一定厚度 容易掛係麵上面 -- 麵就係粗身麵 就咁食好香麵粉既香味 住得剛好 食落彈牙 唔會太腍 -- 其中有一個窩心設計 就係知道沾麵既湯 可能會較快涼 每張矮枱都有果IH電磁爐係中間 可以自己自行加熱 呢個設計留返冬天用 應該都幾正 -- 特別既地方就係 如果唔夠飽 可以請店員 用沾麵個湯底 加飯&芝士 煮埋成為 \\ 芝士坎 -- 估唔到芝士 仲可以有拉絲效果 真係食盡每一滴湯既珍華 加埋芝士落去 唔好浪費 -- 富士山55 仲有其他小食 除左食芝士坎之外 我地就加多左個 \\ 雞軟骨棒 -$32 / 2支 -- 仲可以有3隻醬汁可以選擇 我地就選擇左燒芝士味 食到有碎碎既軟骨 而且唔會燒到太乾 有肉汁之外 & 碎碎既軟骨 食落芝士咸咸香香 -- 飲野方面叫左支 \\ 草莓梳打 $23 飲落酸酸地 有D似唧唧冰既味道 -- 同場加映 友人'sss食既 \\ 日本鱈場蟹沾麵 $188 -- 今次呢餐霸氣沾麵暫告一段落 下次有機會再試其他普通款麵先 -- 富士山55 (拉麵沾麵專門店) 銅鑼灣伊榮街9號欣榮商業大廈地下1號舖 -- | ms.C+ Makeup Space | x | 講女C生活 | ♧ 80′s 後 X 100%土生土長水瓶港女；隨心講，隨心寫 ♤ 唯美派棉花糖女系；愛玩、愛食、愛扮靚 ♧ 身兼多職 - Blogger + Makeup Artist + OL ♤ 歡迎不同合作機會（試用 / 出席活動） ✉mscammy.w@gmail.com -- ms.C+ makeup space 專頁：https://www.facebook.com/ms.cmakeupspace Instagram: https://instagram.com/ms.cmakeupspace/ -- ⌞ms.C⌟ 其他網誌: http://mscmakeupspace.blogspot.hk/ http://blogs.elle.com.hk/mscammy/ https://blog.ulifestyle.com.hk/blogger/mscammy/ http://www.beautyexchange.com.hk/blog/mscammy http://beauty.qooza.hk/u/mscammy/shares http://blog.she.com/mscammy/ http://mscammy.theztyle.com http://trial.itrial.hk/user/mscammy http://www.weshare.hk/mscammy/ http://mscammy.pixnet.net/blog http://style-tips.com/blog/mscammy --
