C+搵食團 || 老友鬼鬼聚會 - DK CUPPA TEA「鬼怪萬聖英式下午茶」 話咁快就10月啦 10月除咗有國慶節日放之外 仲有一日西方好特式嘅節日 就係10月31號嘅萬聖節啦 -- 中國七月既「鬼節」 一般中國人都會好避諱 不過一到西方「鬼節」 就會熱烈地慶祝 -- 萬聖節只係慶祝一日 當然唔夠喉啦 所以 ⌞ms.C⌟ 就同一班老友鬼鬼 係星期日率先去出名Tea Set 精緻既DK CUPPA TEA 歎返個「鬼怪萬聖英式下午茶」 預先慶祝同感受下萬聖節氣氛 -- 早排有唔少報章&電視 都有介紹過 DK CUPPA TEA 一間將香薰治療融入Cafe之中 除咗可以係鋪頭入邊買到香薰外 仲可以邊食邊感受香薰為大家 帶黎既感官治療 可以歎到一個靚靚既Tea Set 同時可以感受到香薰帶來既心靈治療 -- DK CUPPA TEA 今次為萬聖節以設既節日限定嘅下午茶 由10月3日開始供應直至10月31日 -- 睇過之前DK CUPPA TEA既介紹 每 Set 精緻下午茶有背後故事之外 仲有靚靚老闆娘 - Kat 會親手為Tea Set 設計一套Magic Card 開始歎Tea之前都會先抽Magic Card 去配合獨有既精油 等食Tea既時侯先用香薰Relax -- 今次既 「鬼怪萬聖英式下午茶」 利用一個別開生面既方法代替Magic Card 就係用中式籤筒喇 ⌞ms.C⌟ 都係第一次食TEA玩求籤 -- 開始呢個鬼怪Tea Set之前 先求籤搵到屬於你既香薰配對 可以試聞和試用所屬的香薰油 -- 原來仲同一陣食Tea既時侯都有關係家 賣下關子先 -- 等食Tea前 先黎飲杯古怪特飲 \ 萬聖節季節特飲－「蝶豆花」 -- 原本杯入面係呈現紫藍色 就係蝶豆花 + 玫瑰花水 飲落有少少甘甘地既感覺 -- 但搞鬼地另配一支「毒藥」 將針筒內既紐西蘭西柚蜜加入杯中 -- 就會產生好特別既反應 即時變色 玩味10足 -- 終於到主菜上場 「鬼怪萬聖英式下午茶」 呢個鬼怪冒險之旅正式開始 -- 「鬼怪萬聖英式下午茶」 (供兩位享用) 定價為港幣 $298 元 / 人 包括兩杯飲品 -- 萬聖節想得到既元素 眼球、蜘蛛、南瓜臉等等 唔同設計既大小甜點 & 開胃小菜 都融入左係 「鬼怪萬聖英式下午茶」 唔單只視覺上享受 DK CUPPA TEA更加為食物 精心挑選唔同國家既食材 味覺上更加享受 -- \ 盜墓牛肉批 盜墓唔少得既元素 鬆化既批入面 包住英國既肉汁牛肉餡料 食落好多肉汁 唔會太乾 & 老 -- 搞鬼之處仲配上迷你剷 可以比 ⌞ms.C⌟ 同老友鬼鬼 邊食邊自掘墳墓 -- 上面既既碑就係竹碳曲奇 食落唔會太甜 -- P.S 如果大家唔食牛肉批既話 可以轉食雞肉批 不過需要預先預約 -- \ 驚奇糖果小丸子 萬聖節燈籠入面 裝住一系列驚奇糖果小丸子 起初摸落有熱力的 以為會係小蛋糕之類既甜點 -- 原來係包住3款唔同既丸子 龍蝦芥辣包心丸、芝士年糕、芝士魚旦 -- DK CUPPA TEA 專登挑選台灣既丸子 食落冇咩雪味 & 腥味 而且 ⌞ms.C⌟ 都係 第一次食西式下午茶有丸子食 -- \ 蝦子南瓜湯 一小杯既南瓜湯配上大蝦 飲落好Creamy 先潤一潤補充體力 繼續應付後面既其他邪惡既美食 -- \ 迷迭香牛角包配三文魚 呢個係 ⌞ms.C⌟ 既私心推介 牛角包質感鬆化 包入面加上法國既迷迭香製成 未食之前已聞到好香香料味道 食落香料味道都好出 配上鹹香既煙三文魚 兩三啖就比 ⌞ms.C⌟ KO晒 -- 食完鹹點之後 就到窩心既甜點 -- \南瓜白松露巧克力 + 芝麻黑糖麻糬 來自台灣既芝麻黑糖麻糬 外皮入口好QQ 芝麻餡料香+幼滑 唔會太甜 -- 上面既小南瓜 入面包住白松露朱古力 啱晒朱古力迷 同時用黎影相一流 -- \ 法式燉蛋 就係將頭先抽到既相關籤符糖片 放左係Creme Brulee上面 食之前許願 侍應生就會用火槍 直接將籤符糖片燒溶 代表將願望成真 變成Creme Brulee面層既焦糖 -- 唔單止別香生面之外 而個Creme Brulee 本身既質地 好滑又充滿蛋香 簡直就有雙重享受 -- \ 鬼怪Macaroon 分別兩款口味既馬卡龍 清新既檸檬味 & 橙味 -- 可愛既橙色南瓜造型 以為係橙味 反而係檸檬味 -- 相反另一款黑媽媽既馬卡龍 竟然係橙色 係視覺 & 味覺上 都帶黎沖擊 -- \ 血淋眼球巧克力鬆餅 用朱古力製成既血淋眼球 都係用黎影相一流 -- 下面係朱古力鬆餅 鬆餅好重朱古力味之外 果心仲要係流心朱古力 伴住流心朱古力 食落鬆餅唔會太乾 -- \ 蜘蛛冰餅乾 糖霜曲奇上 繪上鬼怪蜘蛛 食多一塊都唔覺膩 -- 唔好睇份Tea Set好似好少 份量睇落唔係太多 不過都飽肚的 ⌞ms.C⌟ 同老友鬼鬼 食下玩下 又一個Happy Sunday~ -- 「鬼怪萬聖英式下午茶」 係DK CUPPA TEA 中環 & 上環 2間分店同時供應 -- \ DK CUPPA TEA | 地址 G /F 中環士丹頓街16號A | +852 2771-2847 G /F 上環新街市街19號 | +852 2386-3588 -- | ms.C+ Makeup Space | x | 講女C生活 | ♧ 80′s 後 X 100%土生土長水瓶港女；隨心講，隨心寫 ♤ 唯美派棉花糖女系；愛玩、愛食、愛扮靚 ♧ 身兼多職 - Blogger + Makeup Artist + OL ♤ 歡迎不同合作機會（試用 / 出席活動） ✉mscammy.w@gmail.com -- ms.C+ makeup space 專頁：https://www.facebook.com/ms.cmakeupspace Instagram: https://instagram.com/ms.cmakeupspace/ -- ⌞ms.C⌟ 其他網誌: http://mscmakeupspace.blogspot.hk/ http://blogs.elle.com.hk/mscammy/ https://blog.ulifestyle.com.hk/blogger/mscammy/ http://www.beautyexchange.com.hk/blog/mscammy http://beauty.qooza.hk/u/mscammy/shares http://blog.she.com/mscammy/ http://mscammy.theztyle.com http://trial.itrial.hk/user/mscammy http://www.weshare.hk/mscammy/ http://mscammy.pixnet.net/blog http://style-tips.com/blog/mscammy --
