C+搵食團 || 歎一餐神秘又美味既私房菜 - 【尖沙咀】 Luxury 『淡淡然掠過 神秘又美麗』by 你的眼神 不過今次唔係神秘又美麗 而係歎一餐 ~ 神秘又美味既私房菜 -- 一講起食私房菜 大家可能都只係想到食中菜為主 食私房菜 除左感覺用料新鮮之外 當然就係食環境喇 -- 可以給予食客相對高既私穩度 啱晒三五知己可以慢慢傾計 -- 今次 ⌞ms.C⌟ & 友人'sss 既Ladies Talk 就去【尖沙咀】 - Luxury 黎餐西式既私房菜 唔知西式既私房菜又有咩食呢? -- Luxury位於柯士甸道 不過門口唔係位於大街 所以位置唔多顯眼 而且門口都冇招牌 幾個人盲摸摸搵個門口 由專人帶領入餐廳 -- Luxury 採取Open Kitchen 廚師煮野食既開氣不時飄出黎 未食已經聞到好肚餓既 -- 而餐廳面積唔算係太大 估計可以坐到20個人左右 可以包場開PARTY又得 多人食飯可以組成一大張長枱 都唔會太迫 -- 或者好似我地三四個 自組一個小天地又得 當晚餐廳都唔係好多枱客 可以比我地靜靜地傾下計 -- 有時食中式既私房菜 係冇得選擇 廚司整咩就要食咩 今次Luxury既Meun 就有好個唔同Set既選擇 由$345 ~ $450 每個ITEM都最少有3款 -- 我地就揀左 5 Course Dinner $450 可以慢慢食 Enjoy 我地今晚Ladies Talk -- 食好西 當然唔少得包包 一上枱先放底 廚房自家制既 \\ 4色麵包籃 -- 分別係蕃茄、墨汁、芝士 & 香草 就咁食唔使點醬 麵包都好好味 麵粉既香味好出 食住等 Starter -- Starter \\ 新鮮法國生蠔 - Free 先黎一隻新鮮法國生蠔 因為今日係星期一 逢星期日~四黎Luxury食Dinner 就會每人送上一隻新鮮法國蠔 - Gillardean -- 法國蠔厚身爽口 海水味重 -- \\ 香煎 Feyel 鵝肝雜莓意大利黑醋配法式蟹餅 情迷鵝肝既 ⌞ms.C⌟ 當然唔少得叫鵝肝喇 鵝肝既Size都有成隻手指咁大 而且好厚身 -- 鵝肝煎得剛好 油香爆晒出黎 配上多士食一流 -- 除左配上脆脆多士之外 仲有一個法式蟹餅 配上芒果他他汁 略帶酸酸甜甜 食落唔會太乾 咬落外脆內軟 蟹味10足 -- Soup \\ 法式干邑龍蝦湯 因為Luxury 採用Open Kitchen 設計 未食之前 已經聞到廚房有好香既龍蝦湯味 -- 龍蝦湯既質地剛好 濃稠度剛好 法式干邑龍蝦湯 加入左少少干邑 聞落都幾重味 不過入口就唔係好覺 同龍蝦既鮮味剛好配合 -- First Main \\ 粉紅忌廉蟹肉意大利粉 ⌞ms.C⌟ 有少少係為左佢個名以Order 1小碟既First Main 份量唔係好多 睇落有少少似肉醬意粉 -- 唔好睇佢份量少少 但係都有好多蟹肉 蟹肉鮮甜 配上忌廉汁 用黎拌意粉 正 -- 不過唯一缺點 就係說好的粉紅色呢？ -- 同場加映 友人'sss Order 既 \\ 北海道帶子鮮墨魚汁意大利飯 \\ Emince 安格斯牛肉眼意大利粉 -- Main \\ 慢烤澳洲羊鞍架配法國芥末露絲瑪利時令蔬菜 小女子Order Medium羊鞍 上枱望落果心仲有少少粉紅感覺 唔係太熟既 -- 肉質嫩口 有肉汁之餘 香草味唔會太濃 唔會遮蓋左羊既鮮味 -- 又黎到呢餐飯既尾聲 當然要有一個完美既甜品終結 -- Dessert \\ 焗肉桂菠蘿金寶伴自家雪糕 肉桂多數就係配蘋果 配菠蘿都係第一次食 -- 今次肉桂配上菠蘿 除左味道好夾之餘 帶出菠蘿既天然既清甜味道 -- 仲有自家制既雪糕 配上溫笠笠面層既Crumble + 肉桂菠蘿 Yummy! -- Luxury 尖沙咀柯士甸道114-116號地下 -- | ms.C+ Makeup Space | x | 講女‧C生活 | ♧ 80′s 後 X 100%土生土長水瓶港女；隨心講，隨心寫 ♤ 唯美派棉花糖女系；愛玩、愛食、愛扮靚 ♧ 身兼多職 - Blogger + Makeup Artist + OL ♤ 歡迎不同合作機會（試用 / 出席活動） ✉mscammy.w@gmail.com -- ms.C+ makeup space 專頁：https://www.facebook.com/ms.cmakeupspace Instagram: https://instagram.com/ms.cmakeupspace/ -- ⌞ms.C⌟ 其他網誌: http://mscmakeupspace.blogspot.hk/ http://blogs.elle.com.hk/mscammy/ https://blog.ulifestyle.com.hk/blogger/mscammy/ http://www.beautyexchange.com.hk/blog/mscammy http://beauty.qooza.hk/u/mscammy/shares http://blog.she.com/mscammy/ http://mscammy.theztyle.com http://trial.itrial.hk/user/mscammy http://www.weshare.hk/mscammy/ http://mscammy.pixnet.net/blog http://style-tips.com/blog/mscammy --
