C+搵食團||享受鬧市中法國浪漫 x 意大利熱情 - Otto Restaurant -- 呢排同男友 去左唔少特式小店搵食 但有時間唔中 都要加插下高級餐廳環節 平衡一下 -- 今次C+搵食團 就揀左間法國 x 意大利混合菜主題餐廳 加上法國美食協會會員 & 法國籃帶推薦餐廳 睇落Package幾好既餐廳 Otto Restaurant 食好西 唔知食物上面會有咩驚喜呢? -- 係餐廳樓下 已經見到大大隻龍蝦廣告 -- 餐廳位於既位置有兩層 出入口係第一層 食野就要上樓上喇 ms.C都係第一次去有兩層樓既餐廳 -- Otto Restaurant 就係法國美食協會會員 & 法國籃帶推薦餐廳 有唔少證書係餐廳展示 -- Otto Restaurant 同我想像中既高級餐廳格調一樣 選用深色裝修格調 (P.S下面既相有較光到) (原本Otto Restaurant既環境氣氛會暗d浪漫d) -- 成間餐廳位置唔係好多位 可以比我地浪漫咁談下心 同男友食返餐Candle Night Dinner 浪漫一番 -- 而且有一邊位置私隱度較高位置 可以客納三五知己 保留了私隱度 -- Menu 以Dinner Set 為主 5 個Course 既Dinner Set 牛、羊、豬、海鮮都有選擇 價錢由$398 ~ 565 -- P.S由於現場環境較暗 今次影d相有少少blur -- 先黎個 麵包籃 新鮮制既麵包 好鬆軟 而且好香麵包味 配上好滑既Home Made 麵包醬 好快成籃就比我KO晒 -- 餐前小食 || Starter 煙三文魚凱撒沙律 & 魚籽蟹肉沙律 Dinner Set 有3款可以選擇 我地就叫左2款沙律 -- 魚籽蟹肉沙律 用杯裝住 幾款唔同既青瓜圍住蟹肉 砌到成朵花咁 未食之前睇都好靚 -- 蟹肉鮮甜 配上沙律菜食 好開胃 -- 湯|| Soup 黑松露鮮蠔野菌湯 & 法式龍蝦湯 黑松露鮮蠔野菌湯 ms.C 點既係黑松露鮮蠔野菌湯 好香黑松露香味 可以飲得到一粒粒既野菌 而且野菌味好出 清清地 唔會過濃 -- 溫馨提示 湯入面就有隻鮮蠔 為左保持蠔既鮮嫩 就係要快D食左佢 -- 另一款湯就係 法式龍蝦湯 有隻小龍蝦係果湯到 味道香濃 -- 不過ms.C鍾意較為稠少少既湯 所以覺得略為水左少少 -- 前菜|| Appetizer 龍蝦海鮮酥盒 用上新鮮龍蝦肉加蘑菇 配上酥皮焗 -- 酥皮牛油味好香 配上鮮甜龍蝦肉 加上蘑菇 好香口 -- 青檸雪芭 呢個堅酸 青檸味配青蘋果肉好清新 有青檸雪芭 + 青蘋果肉 + 乳酪 用黎過一過冷河 清一清味蕾 -- 主菜 || Main Course 堡雲蘇紐西蘭羊架 & 澳洲頂級牛柳配法國鵝肝(5成熟) -- 澳洲頂級牛柳配法國鵝肝 $565 有睇過ms.C C+搵食團既讀者 都知ms.C 偏愛鵝肝 所以有鵝肝就一定會叫 -- 鵝肝厚身有份量 煎到表皮脆卜卜 內裡依然保留返鵝肝油份甘香 -- 牛柳配鵝肝係絕配 鵝肝既油沾上牛柳既表面 牛柳5成熟 帶上肉汁 -- 男友就選左 堡雲蘇紐西蘭羊架 $498 -- 偷左男友一小舊黎食 羊架一d都唔騷 肉嫩多汁 -- 兩碟主菜仲配上好好味既薯蓉 -- P.S兩款Main都有跟黑松露燒汁 燒汁入面夾住黑松露味 點黎食會有唔同既味道 -- 不過ms.C自己就覺得d紅肉 就咁食依經好夠味 配上海鹽食 可以帶出肉既香味 唔使特登點汁 -- 甜品 || Dessert 又黎到餐飯既尾聲 甜品侍候 一小杯甜品 酸忌廉配上脆脆片 唔會太甜 -- 配上香濃咖啡 黎個最好既結尾 -- 總結 呢餐埋單差唔多要千二蚊埋單 除左食物質素、服務好之外 環境都好好 整體有90分以上 -- 就係咁我地呢個 法國浪漫 x 意大利熱情之夜就落幕了 -- Otto Restaurant || 銅鑼灣駱克道487-489號駱克駅16-17樓 -- ||ms.C+ Makeup Space|| x ||講女‧C生活|| ♧ 80′s 後 X 100%土生土長港女03;愛玩、愛食、愛扮靚;隨心講,隨心寫 ♧身兼多職 - Blogger + Makeup Artist + OL ♤ 歡迎不同合作機會(試用 / 出席活動) ✉mscammy.w@gmail.com -- ms.C+ makeup space 專頁:https://www.facebook.com/ms.cmakeupspace Instagram: https://instagram.com/ms.cmakeupspace/ -- ms.C其他網誌: http://mscmakeupspace.blogspot.hk/ http://blogs.elle.com.hk/mscammy/ https://blog.ulifestyle.com.hk/blogger/mscammy/ http://www.beautyexchange.com.hk/blog/mscammy http://beauty.qooza.hk/u/mscammy/shares http://blog.she.com/mscammy/ http://mscammy.theztyle.com http://trial.itrial.hk/user/mscammy http://www.weshare.hk/mscammy/ http://mscammy.pixnet.net/blog http://style-tips.com/blog/mscammy --