C+搵食團||平民價心水中菜選擇- 大角咀福門海鮮菜館 呢排ms.C同友人'sss 既搵食團 多數都係食好西 -- 今次同老爸補祝父親節 由於老爸都係鍾意食返中菜 加上佢又係一個麻麻煩煩 又咀刁刁既人 所以同佢出去食飯都要搵間好D -- 又唔想去大集團既酒樓 所以我地就揀左 福門海鮮菜館 -- 主要原因貪佢位置方便 福門既位置係豪華戲院附近 遠離左旺角最旺既中心區 -- 一大個招牌係轉角既當眼位 -- 介乎旺角與大角咀之間 可能位置有些少偏離 我地一行7人 平日晚上Walk-in 都唔會太多人 -- 因為補祝父親節 ORDER既餸都係按老爸鍾意食既野 我地叫左兩樣皇牌野 -- 【皇牌】福門燒鵝皇 $228/半隻 雖然燒鵝有時都會買返屋企食 不過唔多唔少外賣都會焗淋左皮 -- 今次係福門即食 就完全冇呢個問題 -- 淋上熱辣辣燒味汁 燒鵝皇 稱得上皮脆肉嫩 有少少肥 啱晒我地心水 -- 老爸鍾意食海鮮 所以都叫幾款海鮮 -- 蒜蓉粉絲蒸元貝 $36/隻 (4隻起) 平時出面食會成碟都係水 粉絲鋪到成碟都係 -- 每隻元貝鋪上配料 + 淋上醬汁 下面就放好晒粉絲 元貝味 & 配料味道入晒粉絲到 -- 粉絲係蒸元貝既另類戰場 今次就一隻一份粉絲 咁就唔使爭喇 -- 油鹽水翡翠螺 $128 平時食到既翡翠螺亦都多數自助餐凍食 而且多數叫油鹽水都會配花甲 -- 落單果時就推介油鹽水 比我地試下 -- 呢個配搭對我地黎講好新鮮既 翡翠螺份量都算多 & 大隻 肉質鮮甜 -- 【皇牌】秘製香辣鮮雞煲 $128/半隻 落Order 果時 都好主動問我地食唔食得辣 建議我地食咩辣 -- 由於我地成家都唔係好食辣 所以叫左少辣 -- 叫左半隻雞 以為好少 但加埋其他配料 份量都幾多 -- 避風塘茄子 $88 望落以為係普通上左炸漿既椒鹽茄子 原來入面夾層有鯪魚肉 -- 脆漿唔會太厚 炸得脆 & 干身 配埋香口炸蒜食一流 -- 因為在場有小朋友係度 要叫D可以送到飯既餸 -- 鮮蟹肉大良炒鮮奶 $98 炒鮮奶 同炒蛋白都係好「蝦」人既菜式 好難整得好 -- 今次呢個做到炒鮮奶既精粹 白雪雪滑嘟嘟既炒鮮奶 好嫩滑 正! -- 菜甫皇白飯魚煎蛋 $88 久違了的白飯魚 呢個算係好普通既家常菜 不過依家白飯魚係街市都買少見少 -- 一大塊煎得乾身既蛋餅 配埋咸香既菜甫 + 大大條既白飯魚 用黎送白飯一流 -- 雖然我地都係食肉獸 但成餐飯點可以 只係得肉肉呢 叫返果菜菜 -- 濃湯花膠浸娃娃菜 $108 由於上面D餸都冇咩汁 配返果有湯既菜 -- 濃湯浸住既娃娃菜 / 木耳 / 花膠 娃娃菜索晒濃湯既味 煮得唔會太淋 -- 而花膠都有睇頭 有咬口 見到隻花膠形 唔會得d花膠碎碎 -- 整體成餐飯黎講 中位價錢 質素都唔差 -- 咀刁刁既老爸對呢餐冇咩投訴 睇黎遲下老爸生日 可以再ENCORE -- 福門海鮮菜館 || 大角咀塘尾道59,61及61A號地舖 -- ||ms.C+ Makeup Space|| x ||講女‧C生活|| ♧ Makeup Artist + OL ♤ 80′s 後 X 100%土生土長港女Blogger,隨心講,隨心寫 ♧ 歡迎不同合作機會(試用 / 出席活動) ✉mscammy.w@gmail.com -- ms.C+ makeup space 專頁:https://www.facebook.com/ms.cmakeupspace Instagram: https://instagram.com/ms.cmakeupspace/ -- ms.C其他網誌: http://mscmakeupspace.blogspot.hk/ http://blogs.elle.com.hk/mscammy/ https://blog.ulifestyle.com.hk/blogger/mscammy/ http://www.beautyexchange.com.hk/blog/mscammy http://beauty.qooza.hk/u/mscammy/shares http://blog.she.com/mscammy/ http://mscammy.theztyle.com http://trial.itrial.hk/user/mscammy http://www.weshare.hk/mscammy/ http://mscammy.pixnet.net/blog http://style-tips.com/blog/mscammy --