C+飯團||一個人午餐，隱身小巷的沾面 -俺之沾麵專門店 -- 因為要幫手送貨比客既關係 Lunch終於可以逃離柴灣 一個人係炮台山覓食 難得可以跨區搵野食 當然唔可以食得求其 -- 一個人開飯又唔知可以食咩？ 今次我就揀左我最愛的拉面 - 俺之沾麵專門店 -- 呢區對於ms.C黎講唔太熟悉 所以都係搵D近地鐵站既鋪頭 就係離地鐵炮台山港鐵站10mins內 -- 由於佢果鋪位較細 兩邊又有兩間較大型既日式鋪頭夾住 行過好易會走漏眼 所以ms.C第一次行開ms.C都睇唔到 要行返轉頭 -- ms.C大約2:00去到 雖然已過左Lunch時間 不過都坐滿人 好在ms.C得一丁友 所以好快都有位比我攝入去 -- 鋪頭既寬度 只放到一張枱 見鋪頭入面果Floor Plan 應該一張枱可以坐5個人 繁忙時間應該會連走廊位都坐埋 想像到繁忙時間會有點迫 -- 牆上有寫住要點食沾面既Poster 咁就唔怕唔識食喇! -- 而且調味架都向掛係牆上 增加左枱面既空間 咁就唔使怕阻住自己 有昆布醋、大蒜、自家秘制辣醬 唔夠味自行調配 -- 話明沾麵專門店 其實都冇得揀只得沾面一樣 -- 同其他拉面店一樣都係有張Order紙 自己點自已鍾意既 基本消費$85一碗 -- 冇得揀面既軟硬度 不過其他配料 例如麵既份量、叉燒份量、筍、蔥等等 都可以按自己既需要選擇 -- 但最特別既地方 就係基本消費價錢 竟然已經包括左一隻半熟蛋 / 溫泉蛋 唔使使額外比錢 讚！ -- 因為LUNCH份量 叫左普盛（中） 姐姐話中碗就大約1.5個公仔麵 -- 平時其他沾麵店多算係固定左既湯 最多都係加辣 -- 今次呢到湯底有3款揀 落單時姐姐就會問你要咩湯 （Order紙冇得剔家） -- 有傳統豬骨湯 / 黑蒜豬骨湯 / 蕃茄湯（可加辣） 黑蒜豬骨湯出面較少 所以就試左呢個 -- 本來叉燒有「腩肉叉燒」 / 「梅肉叉燒」 不過今日得「梅肉叉燒」供應 -- 我既C+ Order 上菜！ -- 呢碗就係 黑蒜豬骨普盛配梅肉叉燒半熟蛋 大盛筍 + 普盛蔥 盛惠$85 -- 麵係中粗麵 麵質軟硬適中 食落冇乜鹼水味 普盛份量剛剛好（可能我比較大食) -- 望落果湯底黑媽媽 鋪滿炸蒜 入面有炸蒜 + 生蒜 食落有少少辣辣地 味道有少少似打邊爐果生熟蒜豉油味 -- D 麵一浸落果湯到 好易掛湯 而且可以撈埋D蒜&蔥一齊食 -- 我叫既大盛筍（多筍） 不過上到枱冇逐一數過 大約都有10幾條左右 -- 我自己幾鍾意果梅肉叉燒 唔會太韌 因為有少少煎香 帶出左肉香 -- 另一焦點 - 半熟蛋 味道&生熟度流心度OK 不過不失 -- 若果鍾意食重口味既 呢個湯底絕對啱你 湯底都係偏濃 濃得黎唔會咸都渴口 下次可次再試其他湯底 -- C+飯團推介（★★★★✰） 俺之沾麵專門店 北角蜆殼街6-16號寶榮大廈地下D1號舖 -- -- ||ms.C+ Makeup Space|| ♧ Makeup Artist + OL ♤ 80′s 後 X 100%土生土長港女Blogger，隨心講，隨心寫 ♧ 歡迎不同合作機會（試用 / 出席活動） ✉mscammy.w@gmail.com -- ms.C+ makeup space 專頁：https://www.facebook.com/ms.cmakeupspace Instagram: https://instagram.com/ms.cmakeupspace/ -- ms.C其他網誌: http://mscmakeupspace.blogspot.hk/ http://blogs.elle.com.hk/mscammy/ https://blog.ulifestyle.com.hk/blogger/mscammy/ http://www.beautyexchange.com.hk/blog/mscammy http://beauty.qooza.hk/u/mscammy/shares http://blog.she.com/mscammy/ http://mscammy.theztyle.com http://trial.itrial.hk/user/mscammy http://www.weshare.hk/mscammy/ http://mscammy.pixnet.net/blog http://style-tips.com/blog/mscammy --
