C+食評||上環Soho區延伸，女人sss'悠閒下午 - La Porcina 之前幾個星期唔係潮濕 就係落雨 冇乜見過太陽 難得呢個星期天氣好D 當然即刻搵幾個絲打聚下 黎個 Ladies Talk -- 一般旺區既餐廳人又多 坐得耐又怕阻人做生意 所以今次一班絲打就決定選址 人流較少既上環Soho區延伸 La Porcina 食個西班牙菜 過一個悠閒下午 -- 成間鋪設有20多個位左右 仲有幾張枱設係戶外 方便帶狗狗既人 都可以High Tea -- 講返我地自己果LADIES TALK先 我地安排坐係最入面既卡位位置 雖然話係最入面 不過餐廳採用落地玻璃設計 所以好天既話 天然光會入晒店面 好舒服 -- 餐墊用上仿黑膠唱片 迎合返附近古董街一點情懷 -- 餐廳設有set Lunch 大約$70+ 一班人食飯最好既好處 就係可以叫多幾款野食 大家一齊Share -- 平時都較少食西班牙菜 今次都揀D特別既菜式 -- 首先黎個Stater開開胃先 香辣蒜片欖油鮑魚 $118 蒜片味好香 鮑魚仔煮完都好冧 配埋多士食好正 咸咸地咁 雖然話香辣 但唔多覺辣味 -- 芝士龍蝦辣肉腸蛋餅 $168 呢款蛋餅第一次食 有兩隻小龍蝦係面 蛋餅入面有D辣肉腸 有少少似焗蛋 但芝士味就略為爭少少 -- 主菜 墨汁西班牙海鮮炒飯 $298 2人份 黑媽媽既墨汁飯 配合埋面頭海鮮 海鮮煮到剛剛熟 唔會太老 食得到海鮮既鮮甜味 -- 西班牙豬手 $328 ms.C不嬲都對豬手情有獨終 豬皮整到脆卜卜 肉質唔會太過乾 配上蜜糖 & 綠色既醬汁 甜甜地 味道清新得黎唔太漏 -- 一餐飯另一個高潮 就係黎果甜品寫上美滿既完結 -- 我相信女人's真係有兩個胃 果頭叫飽 轉果頭又可以食好多甜品 -- 叫左3款甜品 開頭都怕食唔晒 La Porcina 甜品都係精緻款式 而且全部都唔係太甜 -- 馬德里雲呢拿燉蛋 $59 細細果 甜度適中 唔會太過死甜 質地滑DODO 一人少少好快食晒 -- 香芋麻糬窩夫 ($88半份/$118全份) 窩夫可能好多地方都有得食 不過「麻糬」窩夫ms.C都係第一次食 入面加左香芋麻糬 煙煙韌韌咁 內脆外軟 配上雪糕 + 吉士 味道Prefect Match -- 最後仲有果 Sexy Six($208) 甜品一上枱個個都心心眼 呢一SET有6支唔同既甜品 用黎影相呃LIKE一流 啱晒我地呢d想樣樣都試 但又食唔晒既人 -- 6款甜品有酒精與冇酒精既 各佔一半 任君選擇 -- 至於ms.C自己就較鍾意芝士蛋糕「粒」 食落唔會太漏 仲有另一推介就係自家制布朗尼蛋糕 朱古力味濃都唔會太甜 -- 同埸加映 有好味既野食 當然要有野飲喇 -- 女人sss叫既野飲都勁靚 有沙冰、朱古力、花茶、奶昔等等 任君選擇 就算下次唔食飯 行過附近飲杯野 自己一個歎又得 女人sss再Gathering又得！ -- 咁就成班女人ssss 悠悠閒閒就一個下午 -- La Porcina 上環荷里活道188號地下C舖 -- ||ms.C+ Makeup Space|| ♧ Makeup Artist + OL ♤ 80′s 後 X 100%土生土長港女Blogger，隨心講，隨心寫 ♧ 歡迎不同合作機會（試用 / 出席活動） ✉mscammy.w@gmail.com -- ms.C+ makeup space 專頁：https://www.facebook.com/ms.cmakeupspace Instagram: https://instagram.com/ms.cmakeupspace/ -- ms.C其他網誌: http://mscmakeupspace.blogspot.hk/ http://blogs.elle.com.hk/mscammy/ https://blog.ulifestyle.com.hk/blogger/mscammy/ http://www.beautyexchange.com.hk/blog/mscammy http://beauty.qooza.hk/u/mscammy/shares http://blog.she.com/mscammy/ http://mscammy.theztyle.com http://trial.itrial.hk/user/mscammy http://www.weshare.hk/mscammy/ http://mscammy.pixnet.net/blog --
