C+食評||享受一個人於旺角晚餐 - 81番 81 Ban Japanese Deli -- 話說星期四去完朗豪坊Beauty Avenue Event 得自己一條友 搵唔到飯腳 想住食Food Court 不過Full晒一個人食又唔方便 準備離開之際 見到81 Ban Japanese Deli 冇乜人 有日式飯、意粉、意大利飯、鐵板餐、甜品等等 -- 價錢又唔貴 D 套餐大約$65 ++ 所以決定一試 -- 叫左果濃滑卡邦尼汁煙肉意粉 + 兩塊丹麥包 配可樂 盛惠$65 -- 餐廳以自助形式 先Order再搵位 等機仔響 -- 小小一碟意粉 + 兩片包包 其實想住$65都冇乜要求 但喜出望外 配飲野可樂係罐裝 -- 先食配菜 - 麵包 以為塊包包平平無奇 但勁鬆軟 食落口感有少少似係丹麥卷 味道就似排包 甜甜地 配埋碟上既Cream 狀牛油 好好味！ -- 到主菜 - 濃滑卡邦尼汁煙肉意粉 因為我慢慢嘆完塊包包先再食 果粉凍左有少少硬左 不過依然Juicy 味道都夠香濃 唔使額外加芝士粉都OK 煙肉就大約10小塊左右 女士小小一碟剛剛好夠 男士可能未必夠 -- ms.C幫襯果日既服務生 手腳勁快手 清潔枱面速度好快 Keep住枱面乾淨 -- 如果大家鍾意食果款面包 仲可以成袋買走慢慢食 -- 係MK用呢個價錢 可以慢慢食 靜靜地又坐得舒服 算係唔錯既地方！ -- ||ms.C+ Makeup Space|| ♧ Makeup Artist + OL ♤ 80′s 後 X 100%土生土長港女Blogger，隨心講，隨心寫 ♧ 歡迎不同合作機會（試用 / 出席活動） ✉mscammy.w@gmail.com -- ms.C+ makeup space 專頁：https://www.facebook.com/ms.cmakeupspace Instagram: https://instagram.com/ms.cmakeupspace/ -- ms.C其他網誌: http://mscmakeupspace.blogspot.hk/ http://blogs.elle.com.hk/mscammy/ https://blog.ulifestyle.com.hk/blogger/mscammy/ http://www.beautyexchange.com.hk/blog/mscammy http://beauty.qooza.hk/u/mscammy/shares http://blog.she.com/mscammy/ http://mscammy.theztyle.com http://trial.itrial.hk/user/mscammy http://www.weshare.hk/mscammy/ http://mscammy.pixnet.net/blog --
