C+美の活動||帶肌膚回歸自然 - Soo Beauté 韓國天然之源美肌派對 依家好多護膚產品 都著重天然既成份 當中來自韓國 Soo Beauté都係其中一員 提倡肌膚0負擔既理念 主張以天然素材為主要成份 如濟州蘆薈、仙人掌、火山岩水等等 -- 早前莎莎香港舉辦左 Soo Beauté 韓國天然之源美肌派對 ms.C係其中一位成員喔 -- 係活動中逐一介紹來自韓國 Soo Beauté 最新產品動向 添加黃金、海洋、稻米系列等等 -- 當然活動完結之後有 一系列產品比ms.C試用喇 等ms.C逐一介紹&點評產品 -- 魔幻活肌亮金系列 黃金相信都人見人愛 除左可以用黎儲之外 仲可以用黎護膚 -- 黃金護膚歷史遠源流長 遠至古埃及皇后 近至中國清代的慈禧太后 都係黃金美容既Fans -- 以黃金修護為概念 推出3款極緻奢華黃金修護 魔幻活肌亮金系列 -- Soo Beauté 魔幻活肌亮金膠原凝膠 Soo Beauté 魔幻活肌24K黃金膠原面膜 Soo Beauté 魔幻活肌亮金精華 成Set產品包裝都係以金色為主 連產品本身都係金光閃閃 -- 活肌亮金精華 & 魔幻活肌亮金膠原凝膠 蘊含納米黃金多肽 刺激膠原蛋白增生 提升肌膚緊緻 + 光澤度 -- 體驗後感： 唔好睇支產品本身金光閃閃 會怕D「閃粉」刺激皮膚 金色珠光（雲母）粒子幼細 肉眼只見到金色既 但皮膚係Feel 唔到 粒粒金色係皮膚 -- 凝膠好水潤 放上手相都未影好 就溜走左 推開見到好水感滋潤 而且冇乜笠既感覺 -- 魔幻活肌亮金精華 又稱「神仙水」 入面有81%韓國米酒大米酵母原液 質感柔滑 較另一版子既「神仙水」厚身 -- 可以導入肌膚底層 深層保濕 提供8大護膚功效 -- 體驗後感： 輕輕一抹 好易抹走面上污垢 成塊綿花變左灰黑色 其實我塊面係咪真係咁污糟呢？！ -- P.S題外話 呢支魔幻活肌亮金精華 本來不包括在是次既體驗品之內 係ms.C係活動上 玩小遊戲贏到既禮物 遲下再同大家分享試用報告 -- 24K黃金膠原面膜 當中更加蘊含24K黃金成分、 膠原蛋白及乳木果 為肌膚提供全面滋養成份 保濕肌膚、提升面部緊緻及光澤 -- 體驗後感： 膠原面膜 建議要塗厚少少 足以遮蓋左皮膚較佳 產品本身顏色都勁金 即時「少林寺18銅人」上身XD -- 產品用上皮膚後都快乾 大約10mins就可以用清水抹走 當然用魔幻活肌亮金精華抹就最好 仲見到d閃閃粒子係度家 ~ 用後感覺肌膚有收緊既感覺 感覺滋潤得黎唔會笠 -- 天氣忽冷忽熱 為難左皮膚 要Keep住為肌膚鎖水保水 先可以呵護到脆弱敏感既肌膚 -- 接著另一款產品推介 生物纖維水凝面膜 -- 同一般蠶絲 / 不織布的面膜唔同 選用發酵椰子汁 + 有效的精華濃縮而成 可以緊貼面形 更易吸收精華 -- 生物纖維水凝面膜有兩款： 鮑魚美白生物纖維水凝面膜 (Bio-Cellulose Brightening Gel Mask) (HK$39 / 25ml) 水母保濕生物纖維水凝面膜 (Bio-Cellulose Moisturizing Gel Mask) (HK$39 / 25ml) -- 近排有點乾 先試水母保濕生物纖維水凝面膜 -- 敷上面有少少涼涼地 香味唔係太勁 質感薄過一般不織布 但厚過蠶絲面膜 -- 貼服度就同蠶絲一樣 面既轉角位都可以貼貼服服 唔會點起皺 -- 不過易用度就超越蠶絲 因為敷得唔好仲可以輕輕移位 唔似蠶絲太薄一郁就爛 -- 用後感覺水潤 但有少少笠笠地 但可以接受 撕落黎後 面膜外層有少少乾 質感有少少似食越南野既米紙 / 粉卷皮 XD -- 體驗後水份都有成50% -- 最後仲有 Soo Beauté 稻米溫和卸妝潔膚水(HK$78 / 500ml) -- 以前聽聞用洗米水洗面 就可以帶來美白效果 若果用白米萃取精華 + 來自韓國濟州天然材料 （綠茶、柑桔、茶花及蘭花等...） 唔知道護膚效果又會點呢？ -- 不含油份、矽、人工香料&色素 帶來溫和潔淨力 啱晒敏感使用 -- 加上$78咁大支已經好心動 -- 聞起上黎冇咩太化學合成味道 用晒全部化妝品 黎試易卸度 -- 係用上防水防油既眼線&睫毛液 需要大力少少抹之外 其他唔使10下內 都可以輕易卸走 點擊圖片放大 -- 品牌介紹 Soo Beauté 以肌膚0負擔為根主 主張讓肌膚回歸自然 呢款主打白米萃取精華 + 濟州天然材料 以弱酸性、低刺激為主 可以抹走妝容&面上污垢之餘 同時帶來四大護膚功能 （淨化、保濕、美白及鎮靜） -- ms.C係活動上除左試用左以上產品之外 仲收到其他Soo Beauté護膚產品 有好野當然要同大家分享喇 留意ms.C既FB專頁喇 -- -- 銷售點：香港莎莎 -- 【產品資訊及提供：theZtyle】 -- 免責聲明: 是次產品/ 療程資料由品牌提供， 本文章之全部內容均屬個人意見及感受，並不代表該品牌之言論及立場， 如需協助或希望獲得更多有關產品資訊，請直接聯絡該品牌查詢。 – ||ms.C+ Makeup Space|| ♧ Makeup Artist + Freelance Model + OL ♤80′s 後 X 100%土生土長港女Blogger，隨心講，隨心寫 ♧ 歡迎不同合作機會（試用 / 出席活動） mscammy.w@gmail.com – ms.C makeup space 專頁： https://www.facebook.com/ms.cmakeupspace Instagram: https://instagram.com/ms.cmakeupspace/ – Blog Link: http://mscmakeupspace.blogspot.hk/ http://blogs.elle.com.hk/mscammy/ https://blog.ulifestyle.com.hk/blogger/mscammy/ http://www.beautyexchange.com.hk/blog/mscammy http://beauty.qooza.hk/u/mscammy/shares http://blog.she.com/mscammy/ http://mscammy.theztyle.com http://trial.itrial.hk/user/mscammy http://www.weshare.hk/mscammy/ --
