飲食||來自灣仔鬧市既蛋包飯 凡是都有第1次 作為一個D元素既Blogger ms.C今次第一次寫餐廳介紹既Blog 希望大家鍾意 -- ms.C 唔知點解好鍾意食拉麵 有機會同大家介紹下我幫襯過既拉麵店 今次呢間餐廳都係因為拉麵而起 -- 本來mr.D & ms.C 想住係灣仔 食牛筋拉面 但去到附近 發現左另一間ms.C 鍾意食既野「蛋包飯」 所以去到門口都轉軚 (其實都只係隔2個舖位…) -- Cats’ Eye 醬汁飯專門店 位置：灣仔汕頭街中間 其實位置都唔太顯眼 不過近電車路果邊會有易拉架指引 -- Cats’ Eye 醬汁飯專門店 主要食醬汁飯 基本是3款醬汁：「咖哩豚肉」、「白汁雞肉」、「茄汁牛肋肉」 再加「手打和牛漢堡」（限量）& 蛋 沙律 &三色腸 可以選擇既唔多 啱晒我呢D有選擇困難症既人 -- Menu上寫用既蛋&米係都係產自日本家 -- Cats’ Eye 雖然店面細細 大約得20個位 但唔會太過迫 坐得都舒服 -- ms.C & mr.D 果日8:00去到 都有條小人龍 排左差唔多10mins左右就入得 本來ms.C 想試「手打和牛漢堡」 不過晚市得30份 >> SOLD OUT 唯有下次早D再黎 -- 我地2個叫左2款3色蛋包飯 + 3色腸 一次過可以試晒3款汁 由落單到有得食 唔使10 mins (快!) -- 因為Menu有寫明 最佳既食用時間要15mins內 所以「食左先講」 -- 【招牌3色蛋包飯】（$78） 隻蛋上枱果陣仲係流心狀態 仲可以浪浪下 -- 「咖哩豚肉」：日本咖哩，有洋蔥&蘿蔔，偏甜少少辣 （ms.C唔好食辣野，覺得呢個辣味可以接受） -- 「白汁雞肉」：有雞肉，有少少西蘭花，汁杰身，好濃忌廉味，有D似忌廉濃湯 （3款汁，ms.C就鍾意呢個，因為較LIKE呢個） -- 「茄汁牛肋肉」：汁杰身，好香蕃茄味，D汁食落都好重牛肉味 而且份量都夠 ms.C食到啱啱好 -- 【三色腸】（$28/3條） 招牌芝士腸 香草豬肉腸 自家制鮮豬肉腸 （實物&圖片差不多） 不過覺得D腸 普普通通 但一試冇防 -- 埋單： -- ms.C 回頭率：< 90% 因為今次未食到「和牛手工漢堡」 所以下次目標「手打和牛手工漢堡」 -- ||ms.C+ Makeup Space|| ♧ Makeup Artist + Part Time Model + OL ♤80′s 後 x 100%土生土長港女Blogger，隨心講，隨心寫 ♧歡迎不同合作機會 mscammy.w@gmail.com – ms.C makeup space 專頁： https://www.facebook.com/ms.cmakeupspace Instagram: https://instagram.com/ms.cmakeupspace/ – Blog: http://blogs.elle.com.hk/mscammy/ http://mscammy.theztyle.com http://www.beautyexchange.com.hk/blog/mscammy http://www.mycossip.com/zh-HK/blog/all/19207 https://blog.ulifestyle.com.hk/blogger/mscammy/ http://beauty.qooza.hk/u/mscammy/shares http://blog.she.com/mscammy
