化妝||試用||擁有迷人大眼必備 - Tinker Wink亮眼美妝系列 眼睛又叫做靈魂之窗 有外國研究調查，無論係男仔睇女仔，定係女仔睇男仔 第一眼會睇對眼先 對眼夠靚，成個人整體黎講都睇落去精神好多 不過唔係每人先天都有迷人大眼 所以ms.C覺得 點都要靠少少人工修飾 唔係講緊整容...化妝就得家喇 -- 今次ms.C 試用既 就係1系3支既MOMOTANI「Tinker Wink 亮眼美妝系列」 當然要多謝【U Beauty X MOMOTANI】送出 包括：【臥蠶眼影筆】+【完美兩用眼線筆】+【娃娃完美睫毛膏】 -- 【臥蠶眼影筆】試用 【臥蠶是乜？】 ms.C都係化妝先識呢個Terms 臥蠶（韓） = 淚袋（日） 臥蠶係微笑時貼住下眼睫毛既一少舊肌肉組 呈偏橢圓形 通常會係微笑果陣出現 會令人覺得成日笑咪咪咁 由於遠看似橫臥蠶蟲，所以叫「臥蠶」。 仲要少女先會有 「臥蠶」會隨住年紀而消失 大家唔好同眼袋撈亂，兩樣唔同野黎家 P.S Wiki補充：有臥蠶的人易招桃花。中國傳統觀念中， 擁有臥蠶是美女必備的條件 -- 解釋完臥蠶 到介紹支【臥蠶眼影筆】 呢支係一支海綿頭 珍珠金色既閃粉筆 用黎少少印係臥蠶位置 等隻眼形睇落去圓D -- 不過ms.C 較少用係臥蠶位 我多數用黎畫係眼頭少少位置 因為可以有開眼作用 令到隻眼大隻D -- 第2款 【完美兩用眼線筆】 呢款係眼線筆 + 眼影粉合二為一既筆 ms.C好鍾意支Eyeline頭 夠幼細 而且易上色 可以畫D自然妝Look -- P.S 如果想隻眼望落去大隻D ms.C 覺得最簡單係眼珠對上加粗少少條眼線 咁就可以將隻眼睇落去大D -- 第三款 【娃娃完美睫毛膏】 係大眼妝其中一樣唔少得既野 如果一般妝ms.C 都好少會加假睫毛 多數會夾加睫毛膏就OK -- 呢支【娃娃完美睫毛膏】 支掃夠粗 可以一次過黏多D睫毛膏 掃幾野就搞掂 因為如果睫毛膏掃完又掃既話 好易出理曱甴腳 -- -- 每樣產品好少話100%完美 點都有少少缺點： ms.C試左幾次臥蠶&兩用筆既粉狀 佢D粉唔太食住皮膚 較易暈開 不過唔算太大問題 因為ms.C 用黎做Smoky Eyes 就啱啱好 -- （左面有用，右面冇） -- 「受邀於Beauty.Ulifestyle.com.hk 及 MOMOTANI試用此產品」 -- 免責聲明: 是次產品/產品資料由品牌提供，本文章之全部內容均屬個人意見及感受， 並不代表該品牌之言論及立場，如需協助或希望獲得更多有關產品資訊，請直接聯絡該品牌查詢。 -- ||ms.C+ Makeup Space|| ♧ Makeup Artist + Part Time Model + OL ♤80′s 後 X 100%土生土長港女Blogger，隨心講，隨心寫 ♧歡迎不同合作機會 mscammy.w@gmail.com – ms.C makeup space 專頁： https://www.facebook.com/ms.cmakeupspace Instagram: https://instagram.com/ms.cmakeupspace/ – Blog: http://blogs.elle.com.hk/mscammy/ http://mscammy.theztyle.com http://www.beautyexchange.com.hk/blog/mscammy http://www.mycossip.com/zh-HK/blog/all/19207 https://blog.ulifestyle.com.hk/blogger/mscammy/ http://beauty.qooza.hk/u/mscammy/shares http://blog.she.com/mscammy/
