旅行 || 遊記【♥迷失首爾–Day 2 不可不食的「土俗村人蔘雞」♥】 黎到韓國 其中一樣不可不食的傳統食品 人蔘雞吧 ***** 其實ms.C對人蔘呢樣野 印像麻麻 原因係細個食果D人蔘糖 / 蔘茶 得出一樣野 人蔘 = 「苦」 所以ms.C暫時未係人上人 因為吃得苦中苦 方為人上人 （爛GAG） ***** 講返我地餐人蔘雞先 人蔘雞是mr.D加插的節目 ms.C對人蔘雞冇乜研究 所以最後揀左老字號既一間 「土俗村人蔘雞」 ***** 至於揀呢間原因係： ms.C & mr.D 覺得要食都係食有人介紹過既 好過4圍「盲舂舂」被人呃 ***** 去之前 ms.C 做過資料搜集 「土俗村人蔘雞」名過於實+服務差 其實都係抱一試無妨心態 ***** 我地就由「弘大」坐地鐵去「景福宮」 由「弘大」坐2號線去「乙支路3街」 再轉3號線去「景福宮」 ***** 係「景福宮」 2號出口出 沿住條街直行 第1個街口左轉 ***** 會見到有間韓國傳統平房 + 雞乸咁大個招牌 就係呢到喇 （呢張相係食完走果時影，開始有人龍排隊） ***** 之前上網見到好多Blogger 話去到都要排隊 不過我地去到大約4點，唔使點排 入去就即刻有得入 入到「土俗村人蔘雞」 ***** 土俗村入面係一間傳統韓式平房 有唔同不少既房比你食野 ms.C & mr.D 應該坐左係佢地大房食 ***** 我地坐既係韓式傳統位 呢餐應該係我地第一次坐 除鞋盤腳坐... 入鄉隨俗吧... （P.S 土俗村都有正常的位既，大家唔使擔心） ***** 其實入到去阿珠媽都唔使比MENU你 因為冇得揀 得3樣野食 人蔘雞 // 人蔘「烏」雞 // 海鮮煎餅 ***** ms.C & mr.D 一人點左一隻雞 人蔘雞（₩15,000）+ 人蔘烏雞（₩22,000） ***** 例牌：泡菜任食（自己動手吧） 上菜前一鍋雞，有一杯人蔘酒 ms.C 唔飲酒，mr.D 都係咪左少少就 >< 紫色版就係用黎埋單 ***** 「雞」到了 人蔘雞 + 人蔘烏雞 其實咪一隻白雞、一隻烏雞 入面D料係一樣 有雞 + 米飯 + 人蔘 ***** 食後感：ms.C & mr.D其實都覺得唔係太好食，只係入鄉隨俗 ms.C & mr.D 2個第一次坐韓式坐位食飯 不過ms.C 覺得好辛苦坐到腳到庳 點解當地人可以坐得咁自在 可能訓練有素 ***** 食飽雞 下一站：仁寺洞 ***** 【待續】 ***** 「土俗村人蔘雞」 地址：首爾特別市鐘路區體府洞 85-1
