【♥迷失首爾 - 第一日(Part 2) ♥】 上回講到 因為休館裝修 去唔到世宗故事館 唯有向下一站出發 ***** 本來下一站係要去 弘大 自由市場 / 石春豬 / 掃街 但係兩個人實在太眼訓 決定更改行程 提早去新村 -食八色豬 計劃食完就回酒店抖抖 夜晚再出發 ***** 黎到韓國 食烤肉是常識吧 準備向第一餐烤肉進發 ***** 「八色豬」其實係食8款唔同味既五花腩 我地叫一份烤肉(₩30,000) 送一鍋辣既海鮮湯 蔬菜 & 辣牙菜無限添食 其實2條友係食唔晒既 ***** 唔使怕唔知舊肉熟唔熟 姐姐會幫你烤肉 + 剪埋 ms.C & mr.C 負責食就得 ***** 【未煮開海鮮湯】 【準備開動!】 【其中四色豬】 【門口的大豬頭】 【八色烤肉門口】 【新村站6號出口】 ***** 食後感:其實2個人要食晒8塊肉,都幾漏 而且覺得勁浪費果海鮮湯,因為一定食唔晒 ***** 原本想住食飽就返酒店小休 原來想去休息,都有一定難度 (OMG) 話說Check In後上房 入房後比左兩張單人床房我地 搞一輪後先轉到房 ***** 最後轉到一間有N首爾塔景既房 【1大床 + 1小床】 【日景】 【夜景】 (日日都望住N首爾塔,但最後都冇上去) 原本兩隻小豬,想住抖一陣再出去 點知一訓就訓到11點幾 ***** 訓飽又要醫肚 但落到街,好多店都收左 冇野食 >< 好彩有間24小時「雪濃湯」 最後我地宵夜去左食 【2款唔同家,1款有餃子,1款冇】 清清地食飽又去訓 明天繼續 ▼ ▼ ▼ 【待續】