【♥迷失首爾 - 第一日（PART 1〕 ♥】 ms.C原本第一日既行程是咁的： 落機 > 酒店 > 早餐 > 世宗故事館 > 弘大 自由市場 / 石春豬 / 掃街 > 弘大KT&G想象空间 > 梨大女人街 > Dinner新村 - 八色豬 > 明洞夜街 > 酒店休息 ***** 是日完成度20%... ***** 哈哈，大家見到上面果行程表差唔多一半行程都刪晒， 如果ms.C 係安排旅行團的話 一定會被旅遊業協會告 ***** 由於出到市區，8:00左右 ms.C & mr.D第一件事，就去酒店放低行李出去玩 我地間酒店係明洞街口 Loisir Hotel 2015/01/31先開張 樓下兩層條Shopping Mall Lobby 係3樓 【酒店側門，Shopping Mall入口】 隔離就係地鐵，好方便 ***** 放低行李之後，就去兌錢先 之前 講過「明洞大使館」兌換率會高D 其實「明洞大使館」唔算「最高」 因為明洞附近有D小型既找換店，可能會高1 - 2蚊左右 但ms.C 怕果d會有假鈔，所以都係幫襯「明洞大使館」好D 去到終於明白點解叫「明洞大使館」找換店 因為對面真係中國大使館 全程錢都由mr.D 負責袋 mr.D 話未試過一次過袋幾百萬出街XD ***** 兌完錢就去醫肚 首爾的第一餐食D清清地先 「味加本」 其實係食「韓式」粥 ms.C覺得麻麻，感覺似食潮洲粥咁 而且有點淡淡，不是我杯茶 【鮑魚粥】 ***** 之後開始漫遊首爾 先行一轉冇人的明洞 其實9:00點左右，有D店都開始開鋪 算係踩線吧 【無人的明洞】 ***** 食完早餐向預算行程，下一站： 世宗故事館 ***** 我地要由明洞 > 光化門 我地問左當地既旅遊大使 話由明洞 > 光化門只需15mins ms.C & mr.D 決定食飽飽 沿地下街，慢慢行去目的地 【其實都行左好遠路1.96 km】 其實係咪被騙？！ ***** 其實大家行行下 上左地面都唔知自己去左邊...XD （迷路...） ***** 我地沿途經過清溪川 【清溪川的開頭】 【呢度好多國內人，可能近東和Duty Free】 仲有ms.C 最愛的韓式烤尤魚 But 我覺得香港果D好味d 因為唔係ms.C 比錢，唔記得幾錢 ***** 行行下可能尋晚大家都冇訓 狀態不佳 mr.D話要去飲杯咖啡 暖一暖先 ***** 我地就去左韓國 - STARBUCKS 呢期做緊櫻花系列 所以我地叫左【Cherry Blossom White Chocolate】 果樣好靚，但味道就… 可能我地兩個都唔Like花味東西 【Cherry Blossom White Chocolate】 ***** 行行行，終於到達我地既目的地 世宗故事館 但我地沿住果入口，搵左好耐都唔見果門口 【光化門廣場】【再後面就係「景福宮」】 原來休館裝修 …無言… 唯有向下一站出發 ***** 本來下一站係要去 弘大 自由市場 / 石春豬 / 掃街 但係兩個人實在太眼訓 決定更改行程 提早去新村 -食八色豬 食完就回酒店抖抖 夜晚再出發 ***** ▼ ▼ ▼ 【待續】
