包先生唔鍾意食太熟嘅香蕉，佢話好怕太稔嘅口感。所以每次買咗香蕉我哋都要趕時間將佢哋「消滅」。後來搵到呢個香蕉麵包食譜，從此過熟嘅香蕉有更好嘅處理方法喇~ 做呢款麵包首先生用叉子將香蕉壓碎。 用攪拌器將牛油、糖、蛋、香蕉蓉、牛奶等材料混合，工序已完成咗一半，係咪好簡單呢? 而麵粉我就用咗金像牌頂級麵包粉…… 麵包啖啖清香，我仲會加入核桃或其他乾果，增加口感，包先生仲話呢個係軟同硬嘅美味組合。 **食譜** (資料來源：wawacookery.com) 材料： 無鹽牛油 6湯匙( 90克/置室溫放軟） 糖 250克（1/2杯） 熟香蕉 2–3隻(用叉壓碎) 大隻雞蛋 3隻 乳酪 1/2杯 (125毫升)或牛奶1/2杯加檸檬汁或白醋1/2湯匙 金像牌頂級麵包粉 315 克（2 杯） 發粉 1茶匙 泡打粉 1茶匙 肉豆蔻粉 1茶匙 鹽 1/2 茶匙 核桃 30 克 (稍切粗粒) 做法: 預熱焗爐至 350F (180C)，將麵包模塗上一層薄油膜備用。 用攪拌器於中速將牛油及糖攪拌至淡黃色或忌廉狀，加入已壓碎之香蕉蓉及雞蛋，拌勻後再加入酪乳或牛奶，拌好。 於另一碗內，混合麵包粉、發粉、泡打粉、肉豆蔻粉、鹽及核桃。將混合粉倒進香蕉混合物中拌勻 (拌好之麵包槳會呈粒糊狀)。 將麵包槳倒入麵包模，約佔麵包模2/3 容量，焗約 55至 60分鐘，直至麵包面呈深啡色，包邊微焗成的香蕉合桃麵包微收縮離開麵包模，試熟透度(用竹籤插入中間再取出並無麵包槳黏著即可)。 取出待冷5分鐘後，再將麵包轉移到鐵架上放涼，切件即可。 參考食譜： 更多烘焙資訊 https://www.gsflour.com
