早幾日，因為溝通上出錯，我同包先生都買咗蘋果返屋企，正想責備包先生，佢竟然扮鬼臉話好想食蘋果批，見佢表情真係嬲唔落，仲忙咗一個下午整蘋果批。兩個人相處就係咁微妙，一件小事可能會鬧一場交，又有可能因此增進感情，睇你點樣處理！>.< 包先生幫手切好蘋果，我就負責加埋砂糖、檸檬汁、肉桂粉等材料煮成餡料。 用金像牌頂級多用途麵粉等材料做好批皮，鋪在批模上，就可以準備加入蘋果饀料。 包先生話加一球雪糕一齊食仲好味，佢又講得冇錯，哈哈~ 食譜：(資料來源：daydaycook) 批皮材料 中筋麵粉 100 克 牛油 50 克 砂糖 25 克 雞蛋 1/2 隻 淡忌廉 1 湯匙 蘋果餡材料 蘋果 2 個 牛油 2 湯匙 砂糖 20 克 檸檬汁 1 湯匙 杏桃果醬 1 湯匙 肉桂粉 1 茶匙 餅面塗層 杏桃果醬 25 克 水 5 ml 砂糖 2.5 克 做法： 製作批皮，準備個大碗，將中筋粉、砂糖、牛油、雞蛋、淡忌廉混合搓勻至軟滑，用保鮮紙包好放入雪櫃冷藏1小時。 製作蘋果餡，2個青蘋果去芯後切粒。 燒熱鍋，加入牛油，然後加入蘋果粒、砂糖、檸檬汁、杏桃果醬及肉桂粉以小火煮約20分鐘至蘋果軟身，放涼備用。 將麵糰放在枱面上，用擀麵棍輾平至1/2厘米厚，放在批模上，剪走多餘的麵糰。 將蘋果餡均勻倒在批皮上。 1個青蘋果去芯後切薄片，將蘋果片排列在蘋果餡上。 預熱焗爐至攝氏180度。將蘋果批改入焗爐焗約20-25分鐘直至表面金黃色，取出。 製作餅面塗層，將杏桃果醬、水及砂糖拌勻煮熱，在蘋果批表面掃上一層即成。 參考食譜： 參考食譜： 更多烘焙資料：www.gsflour.com
