今年情人節與新年日子很接近，有了家庭後我同包先生都更加重視新年呢個屬於家庭嘅節日，所以一早講好今年情人節唔大肆慶祝，將時間留返嚟辦年貨同準備團年飯。不過，我都親手做咗呢款抹茶心太軟俾包先生，簡單……但甜蜜。 材料有美玫牌頂級低筋麵粉、綠茶粉、白朱古力等，約30分鐘完成，一啲都唔複雜。 包先生喜歡配雪糕，我就揀咗配生果，一樣咁好味。 **食譜**(資料來源：cook1cook) 材料： （1-2人） 牛油 40g 白朱古力 60g 雞蛋 (約100g) 2隻 糖 30g 低筋面粉 35g 綠茶粉 5g 糖霜 適量 做法： 1先將牛油隔水坐溶，取少少掃勻焗模，再灑適量低筋面粉於焗模上，方便之後脫模 2再將牛油溶液與白朱古力隔水坐溶拌勻 3雞蛋發勻，加上糖利用電動打蛋器拌勻 4篩低筋面粉及綠茶粉於蛋液中，利用電動打蛋器拌勻 5將麵糊與牛油朱古力拌勻 6倒進焗模內, 焗爐預熱，180C焗16-18分鐘 7出爐後倒轉焗模，將心太軟脫出, 灑上糖霜，配雪糕 參考食譜：
