最近朋友去完沖繩，送來必買手信「紫薯撻」。 包先生邊食邊問：「可以自己整嗎?」 大膽~竟然挑戰我? 好，就等我整啦，即刻搵個食譜做參考，整咗個糕小姐版本紫薯撻。 將紫薯做成又軟又滑嘅紫薯泥，工序已完成一半！ 跟住做撻皮，我就用咗美玫牌頂級低筋麵粉做。 自家出品外型梗係要同沖繩買嘅唔同啦，仲好食啲同靚啲添架~ **食譜**(資料來源：cookeys.presslogic.com) 材料 撻皮： 低筋麵粉 120g 牛油 50g 雞蛋 一隻 砂糖 35g 紫薯泥： 紫薯 270g 砂糖 30g 牛油 15g 牛奶 適量 做法： 加入低筋麵粉，牛油，糖攪勻，再加入雞蛋，然後用手搓成麵糰，用保鮮紙包住，放入冰箱半小時。 用濕紙巾包住紫薯，然後放入微波爐加熱，調大火，叮8分鐘，熟後剝皮，然後切片壓成紫薯泥，加入糖，牛奶和牛油。 為了確保口感，紫薯泥需要過一過篩。（這要花上一點時間喔～),然後就可以放入唧花袋內。 冷藏的麵糰可以拿出來，擀平至薄薄的，然後切8份，撻模灑上一些麵粉，防焗糊，麵糰壓在撻模內，用叉子在低面戳洞，放入焗爐180度，10分鐘。 紫薯泥唧在撻模內，然後再放入焗爐180度，大約5分鐘就可以了啦。 參考食譜
