天氣有啲涼，特別想食甜嘢，所以今個weekend決定整brownie俾包先生做下午茶。呢款蛋糕容易做，我同包先生都鍾意食，係我經常整嘅蛋糕之一。 因為經常整，想有啲新鮮感，所以今次加咗幕絲面，更加有層次，個樣仲靚啲添。 做法一啲都唔複雜，我喜歡用美玫牌頂級低筋麵粉，做出我同包先生都最鍾意軟綿綿口感。 蛋糕出爐，香噴噴嘅濃郁朱古力香味，真係好想即刻食呀！ **食譜** 材料：(可做7吋蛋糕1個) 美玫牌頂級低筋麵粉 33克 無鹽牛油 25克 雞蛋 50克 糖粉 12克 雲呢拿香油 半茶匙 砂糖(布朗尼蛋糕材料) 45克 黑朱古力 96克 朱古力粉 10克 蘇打粉 1克 核桃 32克 紅莓急凍果茸 102克 淡忌廉(紅莓慕絲) 102克 砂糖(紅莓慕絲) 23克 魚膠粉(紅莓慕絲) 3克 熱水(紅莓慕絲) 20克 淡忌廉(雲呢拿慕絲) 280克 魚膠粉(雲呢拿慕絲) 4克 熱水(雲呢拿慕絲) 20克 紅莓 少量 (裝飾用) 布朗尼蛋糕做法： 1. 黑朱古力隔水座溶備用。 把牛油及砂糖用電動打蛋器打發。 加入雞蛋略為攪拌 將低筋麵粉、朱古力粉及蘇打粉過篩至糊中，再加入核桃輕拌至沒有顆粒。 加入朱古力溶液拌勻，將麵糊倒入蛋糕模中。 放入已預熱至 170°C焗爐，烘烤20分鐘。 取出待涼 (不用脫走蛋糕模)。 紅莓慕絲做法： 1. 將魚膠粉加入熱水攪勻備用。 2. 紅莓急凍果茸解凍後加入砂糖攪拌。 3. 用電動打蛋器打發淡忌廉至挺身，加入紅莓茸後用刮刀拌勻。 4. 加入魚膠粉溶液後拌勻後，倒於已待涼的布朗尼蛋糕上。 5. 冷藏約2小時 (不用脫走蛋糕模) 。 雲呢拿慕絲做法 ： 1. 將魚膠粉加入熱水攪勻備用。 2. 用電動打蛋器打發淡忌廉及糖粉至挺身，再加入雲呢拿油及魚膠粉溶液後拌勻。 3. 將雲呢拿慕絲倒於已凝固的紅莓慕絲上。 4. 冷藏約3小時後，脫膜。 5. 以新鮮紅莓裝飾即成。 參考食譜
