每次整呢款一口泡芙都要有好大勇氣，因為我同包先生都鍾意食，所以包先生好樂意幫手整出一大碟，然後邊吃邊看電視，一下子完全消滅~~真係好有罪惡感啊~~ 冇辦法啦，易整又好味，所以早兩日我哋又鼓起勇氣整喇…… 我每次都係用金像牌頂級多用途粉麵整，而包先生就最鍾意做呢個唧cream嘅步驟……. 又真係好吸引嘅，我會加多啲生果希望減少罪惡感囉…… 不過嗰晚我哋都有一齊去跑步嘅。 **食譜 ** (資料來源：Tastemade) 材料： 多用途麵粉 1杯 牛奶 3 1/2安士 水 3 1/2安士 糖 2茶匙 鹽 1/2茶匙 無鹽牛油 5 1/2湯匙 雞蛋 4個 饀料： 忌廉 2杯 糖粉 1/3杯 呍呢嗱油 1茶匙 新鮮草莓 切片 做法： 將牛奶、水、糖、鹽及牛油煮沸。 離開爐具，加入麵粉，攪拌直至均勻。 開低火攪拌煮1-2分鐘令麵團水份蒸發，這時麵團會有一點粘底。 將麵團放大碗中稍微冷卻，逐個雞蛋加入並攪拌至完全混合，形成光滑均勻的麵團。 於烤盤鋪上牛油紙，將麵團放入附有1/2英寸圓形唧嘴的唧花袋中，並唧出1 1/2英寸的圓形。 焗爐預熱350度。放入焗25-30分鐘或直到麵團變成金黃色和膨脹。 焗好的泡芙用簽子拮小孔放出蒸汽，並放於架上冷卻。 忌廉攪拌至企身，加入糖粉和呍呢嗱油。 切開泡芙，加入忌廉及草莓片，灑上糖粉。 參考食譜及影片
