近排見好幾位閨蜜都去咗歎Afternoon Tea，仲影晒相打晒卡咁，趁住週末我梗係想包先生都陪我去歎個下午茶啦，點知包先生一句：「你整嘅仲好食啦！」結果我就中計喇，呢個週末又留咗喺屋企整蛋糕……. 話整就整，即刻睇下屋企有咩材料……結果搵到抹茶粉，包先生仲幫我買到美玫牌頂級低筋麵粉，咁就可以做抹茶千層蛋糕喇。 呢款蛋糕唔使焗，將材料拌勻、過篩，再用平底鑊一層一層煎好，都幾簡單方便，不過要預返時間雪凍。 蛋糕面可以灑上抹茶粉，而我就用咗抹茶醬，令到抺茶味道更濃郁。我整蛋糕，包先生就沖咖啡，其實兩個人喺屋企「High Tea」都唔錯丫！ **食譜** 材料： 美玫牌頂級低筋麵粉 240克 糖 80克 雞蛋 200克 牛奶 650克 植物油 40克 淡忌廉 400克 糖粉 50克 抹茶粉 10克 - 蛋糕體用 抹茶粉 少量 - 裝飾用 蛋糕體做法 ： 1. 低筋麵粉及綠茶粉一併篩好，加入砂糖拌勻。 2. 加入牛奶及油拌勻，再把已打發好的雞蛋加入後拌勻 。 3. 將已混合的粉漿過篩至幼滑，置室溫約30分鐘。 忌廉做法： 1. 淡忌廉加入糖粉，用電動打蛋器低速打發至挺身，放入雪櫃待用。 綠茶千層蛋糕做法： 1. 平底鑊上塗少許芥花籽油，將平底鑊燒熱。 2. 倒入一湯勺粉漿並盡量推開，中火煎約1分鐘，反轉另一面煎約 25秒，取出放涼備用。 3. 重覆步驟至完成20片完整的薄餅 (貼士: 薄餅越薄，完成後的蛋糕會更美味) 。 4. 利用蛋糕模具把薄餅切出同樣大小。 5. 梅花間竹地鋪上薄餅及忌廉，最後一層薄餅表面撒上綠茶粉。 6. 冷藏約 3小時後可食用。 參考食譜 參考影片：
