嬰兒肌 療程分享 (IG 舊post)--- 最新皮膚狀況 update:一年後的皮膚狀況 - U Blog (ulifestyle.com.hk)--- Lena Locus 皮膚管理中心療程名稱：Plan X 嬰兒肌價錢：請向 IG @lenalocus 查詢完成次數：9次療程前（2018年2月8日）：敏感情況嚴重，皮膚經常發紅，粉刺黑頭十分多療程後（2019年5月3日）：上述情況已改善兩張相都係療程前洗完面影, 無filter 。因為燈光問題，第三張相睇落係黃啲嘅。相片冇辦法完全真實反映我嘅皮膚，真人睇係明顯好多。利申，唔係打手。利申，唔係打手。利申，唔係打手。好重要所以要講三次。#長文慎入#唔想睇廢話可以直接飛去睇療程後感——————————————改善皮膚唔係一朝一夕嘅事，而係需要多方面嘅配合，包括你屋企用嘅產品，療程後嘅護理等等。當中所需要嘅時間，同埋金錢亦都係好多嘅。你需要問自己一句，你願意為你嘅皮膚付出幾多？有啲人一見到療程嘅價錢好貴，就已經一下子拒絕。但係我個人覺得，與其你曬咁多錢去買啲唔好嘅產品，做果啲幾百蚊嘅Facial，先唔好講有冇效果，萬一搞到你敏感，你就要花更加多嘅金錢去醫治佢。我當初就係貪平去用韓國嘅護膚產品，去做嗰啲$100嘅Facial，結果得不償失，改善唔到皮膚不特止，又搞到我變成敏感肌。依家諗返轉頭覺得嗰陣時嘅自己好蠢，咁平嘅嘢扣除人工成本，可想言之佢嘅效果會有幾「好」。嗰陣時塊面生曬粒粒，直頭街都唔想出。皮膚變到好敏感又痕，塊面成日紅到成個關公咁。又成日俾人問塊面做咩事，相信唔少人都會同我身同感受。 真係好後悔當初自己亂咁試出面嘅嘢。———————————————-療程後感：過程你要好忍得痛，我覺得相比起針清，但呢種痛我死忍，為左靚都可以接受。(update: 現時已經有得加麻醉膏，做ge過程無感覺!)頭幾次做療程後，我塊面一定係好紅， 四五日都出唔到街咁滯。但係最近呢幾次情況就好得多，因為我嘅皮膚已經係由底層改善咗好多，可以到第二日已經可以查防曬出街。（當然頭幾日最好都係留係屋企休息）基本上療程當日夜晚已經退紅得7788。雖然距離我想達到嘅目標仲有一段路。但起碼少左敏感，粒粒都生少咗好多。雖然我個鼻側邊嘅毛孔依然都係粗大，但比起一開頭已經淺咗。之前脫墨而留低嘅疤，做咗九次療程之後亦都淺色左好多。面部出油嘅情況減輕左。之前即使每個星期針清，但因為我嘅油脂分泌比正常人多，每次都清到好多粉刺出黎。但係做咗九次療程之後，呢個問題已經改善咗好多，我亦都冇再針清。因為針清對我來講實在太痛， 次次我都針清到流曬眼淚。一年前嘅我一定要化妝先肯出街，但係而家我就咁搽防曬返工都冇問題啦。當然你唔可以期望做咗一次之後啲皮膚就會變到好靚，呢樣野係冇可能嘅。如果你有做呢個療程，但係你用嘅產品依然係唔好嘅，咁效果就會大打折扣。我唔敢講平嘢冇好，但只能夠說好的產品，好嘅療程， 因為佢哋研發出嚟嘅成本係高嘅，所以價錢都唔會平到去邊。極力推介呢個療程比所有受到皮膚問題困擾嘅人-------Lena Locus 皮膚管理中心IG @lenalocus
