Dazzleslim 超微米毛孔潔淨清潔面膜 用後感:史上最恐怖嘅面膜 話係最恐怖，係因為唔用都唔知道自己塊面咁污糟！吸出嚟嘅油真係嚇死我。 佢係我用過最貼面嘅面膜，佢貼面嘅程度簡直係同我自己塊面融為一體！最驚喜嘅一part 就係，面膜紙吸出嚟嘅油份真係嚇親我。因為本身都知道自己係油脂分泌比較旺盛嘅人，但係一敷完果下皮膚真係識得呼吸咁，塊面係乾淨得來唔緊磞。有種透氣感覺之餘，塊面嘅皮膚舒服得來又唔會話乾。敷完唔使再呼保濕面膜，直接查返夜晚護膚程序就得啦。其實依款面膜其中一個功效就係緊緻抗皺，可惜自己暫時未有呢種需要， 所以就講唔到俾大家聽依方面嘅感受啦。 如果一定要彈，唯一要彈嘅就係呢個面膜要敷一個鐘，不過因為已經係改良版架啦，原本舊版本要敷兩個鐘頭添吖。不過好彩加上面膜紙好薄又夠貼， 所以就咁敷住做其他嘢都可以。使用小tips:敷嗰陣時記得盡量將面頰兩邊嘅面膜紙向上拉，就可以加強緊緻嘅效果因為面膜紙實在太薄啦，所以整走兩塊保護紙嘅時候要小心啲，如果唔係好容易黐埋一舊。總括來講，以佢咁嘅價錢，有咁嘅效果真係非常之唔錯。佢哋建議油肌嘅朋友仔都一定要用下 Dazzleslim 超微米毛孔潔淨清潔面膜 Follow 我就可以睇到我更多護膚日常分享Instagram: ms_ariesss
