2019年6月8-21日 西藏之行，是辛苦的。 每日至少七至八個小時的車程；日夜溫差可以有十幾度；食不得辣的我，當地食物不是辣就是油；干燥到呻出鼻血；感冒高反輪住黎... 但至少我走過日光城拉薩，爬上過有九百幾級嘅布達拉宮，訓過得-10度嘅珠峰大本營，見過聖湖納木措。 一打開眼睛就見到草原上的藏羚羊、野狼、地鼠、土撥鼠、狐狸；羊群橫過馬路是常態；原來雲的距離可以咁近；更沒諗到睇雪山都會有人看厭倦的時候。 不過依次旅程實在耗費我好多精神體力，我個bucket list 應該要暫時擱置一下，起碼要抖返一年半載... ... 西藏旅遊tips 1. 加濕器很重要！如果你唔想個鼻乾到流鼻血，請務必要買部便攜式加濕器。 2. 去到西藏一定要預留至少兩日係拉薩適應。我哋一行六人每個人唔多唔少都有高山反應，而我係比較嚴重果一個，亦都好慶幸自己當初預留三日留喺拉薩，好好抖番一兩日先繼續行程。 3. 要識得洋蔥式着衫法。即係最入面係短袖，跟住薄風褸，最後就係保暖大褸。因為高海拔地區日夜溫差大，就算係車入面同車外面嘅溫度都可以差好遠，可以車入面係夏天，車出面係冬天。 4. 防曬好重要。講緊嘅唔係驚曬黑，而係嗰度嘅紫外線指數極高，對皮膚傷害極大。所以除咗搽防曬之外，長袖衫同帽都好重要。 5. 可以係當地買零食。原本我都帶咗一啲能量棒同餅乾過去，但係因為實在太乾燥嘅關係，食唔落。結果去咗當地嘅超市買咗一啲啫喱軟糖之類等含有水份嘅零食， 咁就搭長途車都唔驚啦。 6. 預咗每一日至少搭七八個鐘車。淨係上珠峰都有108個彎，加上當地嘅路未必咁平坦，所以會暈車浪嘅朋友就一定要帶定暈浪丸。最好車上亦都長備頸枕方便瞓覺啦
