以前日日出去食早餐，依家就朝朝整早餐。呢款焗蛋多士非常易做又好味，加埋茄汁一齊食更正，有啲似食緊脆口版嘅麥芝蛋包 😆 大家不妨試吓❣️ 材料（1人份）： 厚多士 1塊 日本蛋 1隻 沙律醬 適量 芝士 適量 岩鹽 少量 黑糊椒 少量 紅甜椒粉（Paprika）少量（可省略） 番茜碎（Parsley）少量（可省略） 方法： 預熱焗爐180度；或多士焗爐600w。 用湯匙於麵包中心壓出一個圓型，外圍加上沙律醬、芝士碎。 焗爐夠熱時才在麵包上小心加上一隻蛋。 放入焗爐上層，上下火，先焗5分鐘，再開對流風焗多5分鐘；或多士焗爐600w，7－10分鐘。 從焗爐取出麵包，加上鹽、黑糊椒、紅甜椒粉、番茜碎即可。 注意： 不同焗爐火力不同，要自行加減時間。 先焗後用對流風，前者焗熱麵包雞蛋，後者焗脆麵包焗熟雞蛋；過早開對流風，麵包會太乾；唔開對流風，雞蛋難熟。 點擊圖片放大 +4
