你怕食秋葵？覺得佢滑潺潺好核突？但你又知佢可以補鈣、降血糖、順便便、預防大腸癌，但試過之後真係頂唔順個口感？唔使怕，拎佢切粒炒飯就得啦！只要將秋葵切成粒粒爆炒就不再滑潺潺，再加埋超級食物三色藜麥，蛋白質、氨基酸、礦物質、維他命B等等應有盡有，這個炒飯絕對營養爆燈 🤩✨ 食材（二人份）：藜麥飯 1－2碗中型秋葵 6條 （切粒）中型甘筍 1條 （切粒）雞蛋 2隻 （可走蛋）即食甜腐皮 5小片 （切粒）薑（約1吋x1吋，切幼粒）甜豉油 2湯匙糖 1茶匙鹽 1茶匙黑胡椒 適量方法：雞蛋炒至半生熟，盛起備用。熱鍋冷油爆炒薑粒，然後加入藜麥飯同炒。飯粒炒熱至粒粒分明後加入甘筍粒略炒，後加入秋葵粒。秋葵粒開始轉色時，可加入半生熟雞蛋和腐皮粒繼續炒。加入調味料，並以打圈方式沿鑊邊加入甜豉油，即可。點擊圖片放大 預備藜麥飯：白米跟藜麥的比例可以是1：1或2：1。藜麥洗淨後浸泡1－2小時，煮前瀝乾水份跟白米同煮。 注意：藜麥浸水後再煮，肚仔無咁易脹氣。炒飯最好用隔夜飯。即食甜腐皮購先超市。調味請依個人喜好增減。 吃素有益身心，但要吃得有智慧。希望透過這專欄，讓更多人能做出營養滿分又簡單的素菜，令肉食家庭的餐桌都能出現更多素菜菜式。個人專頁：宮保素雞丁。✨✨ 有關工作邀請／合作，歡迎隨時接洽 ✨✨
