想食素雞絲粉皮唔使出去買嘅，自己喺屋企整都得。素雞絲即係雞髀菇絲，簡單到用隻叉就攪掂，而且製作過程治癒，簡直係身心靈妙品～ 💕食材（2人份）：雞髀菇 2隻水晶粉 1包溫室青瓜 2條甘筍 1條黑芝麻 適量調味料：純素芝麻醬 3湯匙淡味醬油 1茶匙原糖 1茶匙白醋 1茶匙麻油 適量做法：1）水晶粉沖水，再切成2厘米闊，滾水灼約2分鐘（跟包裝指示），取出泡冷水降溫，用手將水晶粉拉開成一條條，備用。2）青瓜去囊切絲，加少許岩鹽拌勻放置10分鐘，之後用水沖淨備用。3）甘筍切絲，滾水灼約2分鐘，取出泡冷水降溫，備用。4）用手捉緊雞髀菇的一端，另一邊以叉抓成一絲絲，有需要時可用手將成塊的雞髀菇撕碎。滾水灼約2分鐘，取出壓走多餘水份，放涼備用。5）大碗中加入所有調味料拌勻，再加入所有食材攪拌，最後撒上黑芝麻即可。注意：1）調味料可自己加減，沒有純素芝麻醬，可改用一般芝麻醬。2）冷藏後更美味，但味道可能會變淡，食用前可再加添芝麻醬。3）嗜辣嘅朋友可加入少許辣油或麻辣油，會更惹味。 想緊貼更多素食資訊或素食譜，記得去專頁：宮保・素・雞丁有關工作邀請／合作，歡迎隨時接洽。
