最近日日落大雨,黃雨、紅雨、黑雨樣樣齊,天濕濕人悶悶,不如望住雨景飲杯茶,就連肚仔無乜墨水嘅我都徒添咗幾分詩意(表面上)~茶就飲得多,但呢間餐廳提供嘅所有點心都係素,想搵粒肉仔咬吓都無,所以對素食者而言食得安心,對肉食者而言食得健康。佢主打品茗,現場有幾十款茶畀你揀,青茶、白茶、紅茶、綠茶、黃茶、花茶、黑茶都有,真係茶多眼亂;而中環分店更提供「茶啤」,例如普洱英式啤酒、香片小麥啤酒,喜歡小酌嘅朋友可以去試吓。點擊圖片放大 其實呢間餐廳我食過幾次,而今次我就點咗「陳年六堡」(黑茶)同「陳年珍藏普洱」。前者略帶木香,入口細滑;後者茶香味醇厚,香氣四溢,真係各適其適,各有特色,喜歡品茗嘅朋友一定會喜歡。另外,餐廳提供嘅茶俱亦好齊備,每枱獨立水煲、紫砂茶壺、公道杯、茶杯、茶架齊備,侍應亦會因應唔同茶種而教你點樣沖泡,浸泡幾多秒等等,以確保茶香最好,唔會泡出酸味。點擊圖片放大 +3 至於食物方面,湯品、炒麵、煎炸、蒸包、蒸點心、糖水樣樣齊,雖然只有兩頁紙嘅選擇,但已經好夠。講吓今次食咗咩,我哋兩個女仔,食咗10款點心,係,係10款,唔係因為細碟,而係因為我哋真係好食得同埋好肚餓。點擊圖片放大 +4 煎炸類有:錦鹵雲吞(迷你素肉+超酸汁)、芝脆素蝦卷(香脆到爆,好正!)、煎釀豆腐(有豆香)、紫菜腐皮卷(比較油)、蘿蔔糕(正常)、生煎香茜磨菇包(重芫荽味,正!)、龍華寺素卷(即係素鵝)。點擊圖片放大 +6 蒸煮嘅有:薑汁小籠包(食肉嘅朋友都話正!)、老火湯(蘋果粟米湯好濃好香,正!)、黑松露燒賣(好重黑松露味,但餡料痴牙,有啲可惜)。點擊圖片放大 基本上只要你點咗壺茶,想坐幾耐都可以,而且環境舒服(金鐘分店都好好坐),待應有禮,食飽之後佢哋仲會主動收走所有餐俱,執乾淨張枱畀你慢慢品茶。我今次一坐就三小時,由無雨坐到落大雨再坐到停哂雨,呢份茶錢真係抵哂。點擊圖片放大 +3 餐廳:樂茶軒-大館(茶藝館及旗艦店)地址:中環 荷里活道10號 大館1座 G06-07網頁: https://www.lockcha.com/zh/想緊貼更多素食資訊或素食譜,記得去專頁:宮保・素・雞丁有關工作邀請/合作,歡迎隨時接洽。