今次由朋友發板, 帶我去食好西! 佢知道我呢個大肚婆唔食得刺身, 但又好想食日本野...... 所以去左呢間伊賀日本燒肉料理~~ 食日式燒肉! 任食任飲! 好好解放一下~~~~ YOUTUBE: https://www.youtube.com/watch?v=GuGi4UQvI-g 位於尖沙咀赫德道, 我一收工就可以行過去~ 非常近我!! 平日晚市7點唔多人, 反而8點後就開始多人~ 好在我地一早去到! 裝修都有少少日本舊式風格! 點菜是用TABLAP架! 唔使再劃成十幾張紙仔! 非常環保~ 仲可以圖文並荗, 唔使估估下!! 食物種類非常多~ 有燒肉、海鮮、刺身、壽司、小食、野菜、炸物、果汁酒水、甜品...... 每一類入便仲有十幾款比你選! 真係多到呢~~~~ 同埋!!!!! 原來4位仲會送一條活魚刺身添架!!! 活魚刺身超大條! 仲非常新鮮~ 雖然我食唔到, 但朋友都話不錯~~ 份量好多, 肉質爽甜! 出去單點, 呢一盤都要250啦!! 另外, 再點了可以無限encore既刺身~ 大甜蝦、三文魚、北寄貝、玉子、蟹捧都係必點~~ 好了, 刺身不是我今次目標, 我要主力向燒肉進攻架! 就連牛肉都好多款, 有安格斯牛小排、牛肋肉、一口牛、漬壺牛、牛舌~ 個人覺得牛小排最正~~~ 我encore左起碼10次!!! XDXDXD 重牛味, 有雪花, 燒完肉邊仲有油香, 好嫰滑呀~~~ 當然除左牛肉, 仲有豚肉同雞亦啦. 記得點埋黑椒腸, 好好食~~~ 而其他海鮮類都不可少看! 虎蝦、帆立貝、青口、蜆...... 都幾好食呀~!!! 炸物來說, 我們點得不算太多, 因為朋友都係主力刺身同燒肉~ 呢件芝士年糕堅好食, 可以放上爐再熱多少少來食! 拉絲效果好正!!! XD 食左咁多肉, 又係時候轉一轉, 食下其他野~ 真心大推 - 榴槤炸彈!!!!!!!! 好香好正既榴槤味!!!!!!!!!!!! 另外糖心菠蘿都係解暑良品~ 飲品都有驚喜! 竟然有粒粒菠蘿汁同芒果汁, 呢兩款好好飲架~~ 仲有乳酪都係任食, 比雪糕健康少少嘛!!! 最後最後, 仲有每人一杯的MOVEPICK! 好驚喜! (呢個無得任食架XD) 以兩百多一個人頭計, 今餐性價比都幾高! 質數不錯! 服務好好! 無漏單情況, 野食都出得快添~! 可以大力推介一下~~~~ * * * * * * 伊賀日本燒肉料理 網址: https://s.openrice.com/QrbS0J4u700 地址: 尖沙咀赫德道4號The Hart 3樓 電話: 28871028 * * * * * * Follow: FB: www.facebook.com/MrsKan.blog IG: mrskan_net (http://www.instagram.com/mrskan_net/) Youtube: Mrs Kan (http://goo.gl/9EqI55) Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk
