魚湯湯飯不是新鮮事, 但真係未食過好似今次咁, 極足料之餘又極豪華既魚湯湯飯!! 位於鰂魚涌的鯛魚魚湯專門店~ 絕對令人一試難忘! 主打其人氣鯛魚魚湯, 奶白色的新鮮魚湯, 入味又鮮濃, 不加味精! 健康有營養, 怪不得平日都100%入座率~~ 日式風格門口~ 入到去都好日本風, 除了2-4人檯外, 最內仲有大檯架! 超多人來吃東西呢, 由我們入座到離座, 都是滿滿的狀態!! 就知佢真係好受歡迎~~~ MENU, 除了主打的魚湯湯飯之外, 仲有湯烏冬、拉麵、定食, 小吃等等! 選擇都好多, 仲要樣樣都好吸引添! 我們第一次來, 當然要試左必吃之選先啦! 就係用上豪華食材的湯飯~~ 皇帝蟹腳海膽湯飯 $168 跟圖片100%相符!!!! 有圖有真相!!! 個海膽真係好大片~~~~~ 皇帝蟹腳也是非常大份同新鮮, 蟹肉可以一絲絲拉起, 非常鮮味! 旁邊仲有魚糕、木耳絲等配菜, 絕不吝嗇呀! 加上奶白色既濃味鯛魚湯, 真係好鬼正呀!!!!! 同埋, 佢係用鐵鍋上, 底下仲有蠟燭KEEP住溫熱, 吃到最尾都是熱的! 鮑魚花膠魚肚魚湯烏冬 $138 女生的人氣養生之選呀!!!! 我身為大肚婆, 當然知道花膠魚肚好養胎, 但自己唔想煮花膠, 又要等又要浸水又要發, 我就會選鯛魚既呢一款烏冬! 每片花膠都又大又厚, 入口軟綿綿, 就算唔係大肚, 女生都要吃多點!!! 皮膚都可以滑一滑呀! 鮑魚也比想像中的大隻, 魚肚吸了大量湯水, 好好味!! 魚湯一D都唔腥, 非常健康! 強烈推介~~~ 另外, 我們再點了小吃, 餃子雞翼 $38 雞翼去骨, 入便釀了餃子料, 再拎去煎香, 非常好吃!! 記得要早點下單, 因為會好快賣晒XD 果日我地食緊時, 另一檯客想點已經賣完了! 吉烈炸豬扒 $58 薄切豬扒, 炸得金黃香脆, 點上沙律醬, 就變成美味的小吃!! 我們真係將成碗湯飲晒!!! 不加味精, 100%足料鯛魚湯, 無理由唔飲晒佢~~ XDXD 一定會再來開飯~~ * * * * * * 鯛魚魚湯專門店 網址: https://s.openrice.com/QrbS0jNC700 地址: 鰂魚涌 海堤街6-16號龍景大廈地下3A舖 電話: 2618 2696 * * * * * * Follow: FB: www.facebook.com/MrsKan.blog IG: mrskan_net (http://www.instagram.com/mrskan_net/) Youtube: Mrs Kan (http://goo.gl/9EqI55) Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk