平時出街食蒸氣鍋真係唔平! 仲要點海鮮宴的話, 無四百一位都落唔到樓~ 我都係同同事食過一次, 食完覺得唔太化算所以都無再出街食過蒸氣鍋了! 但今次朋友介紹話佢公司附近有間酒家好抵食~ 就約了去試一試!! 雖然地點在西環, 好似好遠, 但我地港島人就無咩問題, haha!!! 就係呢間"潮福蒸氣石鍋" 外面看上去就是一間好地道的酒家小菜館! 佢主打都係海鮮, 全部都勁大隻、勁生猛!! 款式多到爆~~~ 我地當然選了 "潮福" 近期最火熱既 - 任揀任食任飲海鮮餐!!!!!!! 不過~~ 海鮮不是任食, 可自選款式~ 一共可以品嚐六款!! 而任吃的款式是雞件、豬頸肉、和牛、丸類、蔬菜等等~~ 任飲的款式包括: 汽水、竹蔗水、韓式罐裝飲品、啤酒...... 都非常合心水~~ 這個就是蒸氣鍋!!!! 以及前菜三款, 青瓜好爽脆, 蒜泥木耳好好吃, 白色的醃蘿蔔都正! (其實三款我們都吃清光, 好想問可不可以添吃.....XD) 這邊是自助醬料區, 可自己加喜歡的醬料~ 我就當然是大量蒜泥+莞茜+椒絲, 另再一小碗日式芝麻汁(吃牛肉專用), HAHAHA!!! 開始前, 職只會先將瑤柱鮮淮山的材料放入蒸氣鍋的下層~ 而上層當然是放不同的海鮮料啦~ 到最後就可以品嚐到最美味的海鮮精華粥! 下單點好菜, 職員送上乳鴿同燉湯! 乳鴿香嫰, 燉湯好有老火湯的感覺, 好足料! 秋冬飲返碗真係滋潤晒~ 每一輪蒸煮時, 都有職員來幫手調時間制, 唔怕自己唔知時間煮過籠, 浪費咁新鮮既食材! 貝類, 有蜆、花蛤、青口, 隻隻都又大又肥! 蒸完開晒口, 見到都流口水! 有龍蝦架!!!!! 兩人一隻, 開半邊蒸, 啖啖肉, 龍蝦肉質厚實好好吃~~~~~ 點少少醬汁已經好好食!! 粉絲大元貝, 蟶子皇, 鮑魚!! 雖然每位得一份, 但真係好值! 新鮮、甜美、大份! 因為我地去時, 都係食大閘蟹既時候 所以有包每人一隻大閘蟹! 多膏到呢~~ 好好好好好開心~~~~~~~~~~ ((其實我食完呢幾輪海鮮已經飽左...... 但仲有野食 coming wor!!!)) 可以無限添食既肉類及蔬菜! 個雞件好嫰口, 醃料唔多但好夠味! 蝦丸同豬肉丸都係手打架!!! 可以一試!! 個人必推和牛片同和牛粒!! 好香牛味, 有咬口, 不會太韌~ 飲品方面, 有汽水、竹蔗水、韓式罐裝飲品、啤酒. 我就選了竹蔗水同芒果汁, 竹蔗水唔會太甜, 正! 最後最後, 就算飽到爆肚都要食返碗精華粥!!! 是瑤柱鮮淮山粥, 經過上面不斷的蒸煮, 海鮮、肉類及蔬菜的精華都流晒入粥度, 好食到想外帶成煲回家喔~~~~~~~~ 潮福, 性價比真係好高~ 好喜歡其自選海鮮的款式, 樣樣都係貴價品, 淨食海鮮都回本! 何況仲有其他任飲任食既野~~ 下次一定要同家人再來多次! * * * * * * 潮福蒸氣石鍋 網址: http://s.openrice.com/QrbS0iGC700 地址: 西環 堅尼地城吉席街61號卿旺大廈地下及1樓 電話: 25839818 * * * * * * Follow: FB: www.facebook.com/MrsKan.blog IG: mrskan_net (http://www.instagram.com/mrskan_net/) Youtube: Mrs Kan (http://goo.gl/9EqI55) Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk
