係呀, 又去旺角食放題, 唔好問我點解啦!! 都係唔想用腦之嘛~~~~ 今次同好姊妹去食, 一路食一路傾結婚野, 我以過來人身份比少少建議啦~~ 唉~ 男人總是少了些慧根!! 去到兆萬都唔知選邊間好, 上次都有食過另一間, 今次就試下呢間-神戶屋~~ 見佢都好似有埋韓式野食幾吸引咁~~~ 點擊圖片放大 ORDER紙都好多款!!! 佢有任點火鍋添架!!!!!! 好勁~ 刺身款式多~ 連壽司都好吸引!! 黎到喇!!!!!! 大大盤刺身真係好震撼! 仲有海膽、生蠔, 不過只限ORDER1次, 無得任食~ 當係bonus啦! 刺身全部都大大份好靚色好新鮮~ 不錯不錯!!!! 之後就來了韓式部隊鍋, 大大片芝士、午餐肉、蔬菜、辛辣麵, 當然唔少得泡菜啦, 佢係最底所以影唔到...... 真係好豐富呀! 仲可以order紙點火鍋料都得~~ 我地仲點了好多不同的小吃~ 呢份燒三文魚骨、炒蜆都好食!!! 點了少少壽司, 紫菜仲好脆, 即叫即製, 讚! 炸物唔算多炸漿, 幾脆身、串燒熱上~~ok! 燒蠔!!!! 好好吃呀!!!!! 仲要勁多蒜, lovelove!!!! 其實, 我地兩個係咪好大食呀????@@ 咁多野都食得晒XDXDXD 自己都覺得誇張! 真係, 去食放題要同一樣咁掃得既人去先夠盡興!! 呀, 仲有飲品都好岩口味!!!! 有我最愛既韓國芒果汁、+C、烏龍茶~~!!!!! 呢間性價比都OK! 好多野食選擇, 除了刺身仲有好多其他款, 味道不錯, 無漏單情況! 但唔知係咪唔係好夠樓面侍應, 無咩人收拾碟子...... HAHA!!! 晚市我見都多人幫襯, 但侍應都安排了4人卡座給我倆, 太好了!!! * * * * * * 神戶屋日韓放題 網址: http://s.openrice.com/QrbS0oCi200 地址: 旺角 西洋菜街1號兆萬中心8樓 電話: 2770 1000 * * * * * * Follow: FB: www.facebook.com/MrsKan.blog IG: mrskan_net (http://www.instagram.com/mrskan_net/) Youtube: Mrs Kan (http://goo.gl/9EqI55) Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk
