工廈區的食店已經不再是麻甩佬飯的茶餐廳~ 而家多左好多有特別, 裝潢又靚食物又高質的西餐廳! 在工廈區舖租地價相對便宜, 所以性價比反而比傳統旺區的餐廳更優秀! 今次為大家介紹我剛去完的Moreish n Malt~~ 在觀塘鴻圖道的地下~ 被工廈包圍著呢~ 晚上的招牌更覺顯眼! 食物種類不算太多, 但都夠選擇! 反而飲品就有好多! 手工啤酒啦、傳統啤酒、COCKTAILS、MOCKTAILS、紅白酒都有~~ 8點前都仲有HAPPY HOUR!!! 小TIPS: 一坐低就點定飲品先啦, HH時段好優惠呢~~ 每檯都會上麵包, 幾好~~ 因我地少飲手工啤酒, 所以好有興趣!! 問左店員邊一款好~ 佢都大推呢支 "GWEI-LO 鬼佬" 入口好有果香, 酒精度不算太高, 女生都會喜歡的味道!!! 真係好推介!! 之後, 我再點了藍莓味道的COCKTAIL, 一般般啦~ 都係 "GWEI-LO 鬼佬" 正D, XDXD!! MOREISH雞翼, 香辣惹味, 作為開胃菜真的好合適! 芝士煙肉焗薯皮, 我好喜歡食薯皮架!!!! 呢個都焗得幾好, 少少脆邊, 入便的芝士味都幾濃郁! 牛肉漢堡~ 都有6oz架!! 配上剛炸起的粗薯條, 一流! 牛肉雖然有少少散, 但肉味都好夠, 如果多汁一點更好呀!! 什錦海鮮墨汁意粉! 墨汁意粉其實好多地方都做得不是太好, 好散好易斷, 唔靚料! 但Moreish n Malt做得好好呀, 煮完仲好al dente, 喜歡!! 海鮮料多! 最後, 我地仲好有童心地點了個香蕉船食!!!!!! hahaha!!!! 好開心呀!!!!!!!!!! ps: 呢度玩pokemongo都幾好, 有pokestop長開櫻花又有小精靈捉~ XDXD * * * * * * Moreish & Malt 網址: http://s.openrice.com/QrbS0CLO700 地址: 觀塘 鴻圖道48號地下B號舖 電話: 3580 7133 * * * * * * Follow: FB: www.facebook.com/MrsKan.blog IG: mrskan_net (https://www.instagram.com/mrskan_net/) Youtube: Mrs Kan (https://goo.gl/9EqI55) Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk
