記得以前高中、大學, 成日都會去酒樓飲茶、開完present/莊會都係走去酒樓食飯...... 因為人多又大食, 酒樓是最好的選擇XDXD 但出黎做左咁多年野, 約人食飯已經變成高不可攀的任務...... 而終於約得成的, 都係小貓三、四隻, 邊會去酒樓咁熱鬧丫! 所以真係好懷念以前圍威喂的時候!! 好喇, 今次終於人數多回一點, 可以同大家一齊去酒樓食返餐!!!! 港島人食港島區是必須的...XDXD 選了天后的御名軒~~ 超級就腳, MTR一上就係! 收工有點晚, 朋友都到了 見他們已經點了些前菜, 有脆炸豆腐、燒味拼盤 味道不錯!! 海皇燉冬瓜盅 好甜好清! 配上瘦肉、蔬菜、蓮子、蟹柳, 開胃小燉湯! 香檸枇杷鴿 其實我食唔到有香檸味XDXD 乳鴿來說, 佢炸得非常之好, 唔會好乾身, 肉質仲好JUICY! 雖然佢係細隻又少肉, 但乳鴿就是追求小小一隻炸得外脆內嫩~~~ 咕嚕猴頭菇 唔講唔知佢係素菜, 好surprise!!!! 上菜真係以為佢係豬肉果種咕嚕肉~~ 酸酸甜甜, 好好味呀!!! 猴頭菇吸收晒d汁, 一咬落去好燙口好入味!! 波爾多燴牛尾 這個配飯吃一流喔!!!!!!!! 牛尾份量超多!!!! 肉質不韌, 加上軟根已焾化, 很易入口!!! 芋頭梅子鴨 有時很怕吃鴨, 因為會有少少膻味 但今次又無wor! 同埋芋頭比起鴨肉更出色!! 我們都在搶吃芋頭呢~~ haha!!!! 秘製話梅骨 個人最喜歡的一道菜!!! 用話梅來調味, 酸酸咸咸的, 超惹味呀!!! 也是拌飯的好菜色~~~~ 吃太多肉不太好, 點了這道杞子燕窩豆腐 好靚既擺法~~ 靚到唔捨得食! 好fresh, 可以清一清之前的肉膩~ "苦盡甘來" 是苦瓜及南瓜, 果真苦盡甘來~~ 可能我不是人上人, 還吃不到苦瓜的好, 只是狂夾南瓜來吃呢~~ 最後來一客楊枝金露! 超甜的芒果加清新柚子, 為是晚劃上美麗的句號~~~~ 下個月母親節, 都可以黎食返餐!! 又唔貴又唔逼, 仲可以慢慢坐慢慢傾添~~~ * * * * * * 御名軒 Royal Legend 天后電氣道22-52號金殿大廈1樓 T: 2578 9983 * * * * * * Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk
