好久都沒出動光波鑪了! 難得上星期六日放假, 可惜天陰有雨, 不能帶丁豬去公園玩或行下街街... 見有時間在家~ 就一早(!)去了買材料回家自己煮午餐來吃~~ 分享兩個簡單食譜吧! ((真的手殘都識煮~ )) ■ 蕃菇煙肉薯蓉焗芝士大蘑菇 ■ 炒日本鮮淮山 (山藥) 蕃菇煙肉薯蓉焗芝士大蘑菇 材料: 大蘑菇 - 3隻 煙肉 - 3條 蕃茄 - 半個 薯仔 - 2個 (細size) 牛油 - 約3tsp 鹽 - 少許 黑胡椒 - 少許 香草碎- 少許蒜蓉 - 4瓣 片裝芝士 - 2-3片 1) 薯仔洗淨去皮切大塊, 再烚熟, 取出放大碗, 襯仲熱加牛油用叉壓做薯蓉, 備用. 2) 大蘑菇不用過水清洗, 因本身已非常乾淨, 只用廚房紙濕少少水抹淨, 保留菇味! 3) 大蘑菇去莖, 喜歡的話, 可以把莖切粒跟煙肉一起炒香 4) 蒜蓉、蕃茄、煙肉切粒, 熱鑊下少少油, 爆香蒜蓉, 再加煙肉粒、蘑菇粒、蕃茄粒, 中途可加入鹽、黑胡椒、香草碎, 炒至熟透. 5) 將 (4) 加入至薯蓉中, 攪勻, 就可以放到大蘑菇中! 6) 面頭加上芝士、生蒜蓉碎, 少少香草碎 7) 放入光波鑪180c 20mins 完成! 小tips: > 大蘑菇內的小扇葉可用鐵匙挖走, 個人覺得這會乾淨點! > 芝士可改用Mozzarella Cheese, 會更香更拉絲, 但我屋企有片裝就用埋先~ > 可加洋蔥! 因為我自己唔食就無加... ^_^" 岩岩焗完, 好香好金黃!! 個蘑菇超重菇味, 好juicy!! 薯蓉加了煙肉、黑椒同香草更惹味呀!!! 釀了3個大菇仲有薯蓉多出, 就放光波爐焗10mins, 有少少燶邊, 好吃!! ((同餐廳的一樣喔~ 在家煮真是平好多!!!)) 炒日本鮮淮山 (山藥) 在吉之島買的日本鮮淮山 日本鮮淮山 = 山藥 = 山芋 對身體超好的喔!!!!! 可以幫助消化、抗衰老、滋養等功用~~ 在日本餐廳有時都會見到有生磨鮮淮山來伴飯吃!! 一流!!! 我1月去熊本時也在居酒居點了炸鮮淮山, 配上一杯梅酒, 真係好正好開心~~ 今次就買來回味一下日本的風味! 製作非常簡單! 材料: 鮮淮山 - 1根 鹽 - 少許 黑胡椒 - 少許 1) 鮮淮山先洗淨, 去根去皮, 刨皮時會有少少滑潺汁液流出, 正常的! 2) 切條狀 3) 熱鑊下少少油, 放鮮淮山, 快炒, 中途加入鹽、黑胡椒, 炒至熟透. 我只切了半根來炒, 因為另一半留返來煲粥比丁丁食XD 點知太好味..... 未出廚房已經比我吃了1/3!!!! 剛炒起的鮮淮山, 好像炸薯條般香口, 質感較爽口!! 好~ 下次再介紹簡單入廚菜譜~ LEVEL 1新手適用~~ ヾ(*´∀ ˋ*)ﾉ * * * * * * [簡太廚房] 冬天養生甜品。椰皇海燕燉蛋 ◥(ฅº￦ºฅ)◤Halloween之南瓜奶凍 ✧ DIY佈置大公開 屋企都整到"❀水信玄餅❀" (*´∀`)~♥ [簡太廚房] 零失敗的夏日甜品~ 芒果布甸!! (含食譜) * * * * * * Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk
