各位爸爸媽媽，將軍澳寶琳「綠在西貢」今期有嬰兒用品收集同派發呀！同大家報告吓，剛去完見到所有收集返嚟派發嘅BB用品質素都好高，好多都係新嘅一樣，種類又多元化，包括好新淨嘅high chair、Aprica BB車、BB布書仔、Medela 奶泵、好靚嘅背包仔、嬰兒床邊玩具、地墊、BB衣物等，只要大家有需要就可以免費帶返屋企。點擊圖片放大 +2 而如果各位屋企有8成新以上嘅嬰幼兒用品想清出嚟轉贈俾人，都要把握機會，環保免浪費，一來自己屋企可以騰出番啲空間，二來仲可以俾啲用品第二生命，知道有人啱用，自己都會好開心！ 不過交去綠在西貢轉贈前 #記得一定要清潔乾淨 先好拎去呀。其實小朋友真係大得快，好多嘢只用過幾次就唔啱用，所以我同身邊班朋友都好鍾意 #先徵後買 #優先選用二手 呢個concept，響應環保又慳錢，Bat Bat 由細到大嘅用品同BB衣物，有唔少都係朋友轉贈或者網購二手㗎，當中仲增加咗媽媽們之間嘅交流、互相扶持同祝福，好有意思。 #綠在西貢 嬰兒用品收集及派發計劃 收集日期：延長收集期至5月31日時間：逢星期一至日 8:00 – 18:30收集地點：#綠在沙田 (石門安平街10號)、#綠在觀塘 (九龍灣常怡道27號)、#綠在西貢 (將軍澳寶琳里3號)收集內容：八成新淨的二手嬰兒用品*收集種類：可摺疊的嬰兒傢俱、可摺疊的嬰兒車和學行車、嬰兒揹帶、嬰兒衣服及玩具* 嬰兒用品收集概覽詳情：https://www.facebook.com/photo/?fbid=158974546480855&set=a.133251145719862 #二手玩具回收 同期進行中～ 大家支持環保，Follow埋 綠在西貢Sai Kung Recycling Station 就可以知道多啲有咩回收同派發活動啦！#基督教家庭服務中心 #特別社區活動 #嬰兒用品回收及轉贈計劃 #BB用品回收 #綠在區區 #環保 ::::::::追蹤Mrs Co:Lam 凱林家生活 ::::::::: 如果喜歡我的分享，記得追蹤埋「Mrs Co:Lam 凱林家生活」其他平台，更快知道更多更好的有趣資訊。 Mrs Co:Lam 凱林家生活Facebook: www.facebook.com/mrscolamInstagram: www.instagram.com/mrscolamEmail: hello@mrscolam.comWebsite: www.mrscolam.com
