限量版Crossover總是特別受歡迎，更何況今季推出嘅DESCENTE x VESPA，吸引不少綿羊迷！ VESPA呢個意大利電單車綿羊仔品牌一直好多人鍾意，今次結合運動服充滿新鮮感，加上近年運動風吹得極盛，但DESCENTE喺云云運動品牌中一直都有種獨特魅力，所以今次全新系列發佈活動當日，我因事只係遲咗幾個鐘去到，好多我想買嘅DESCENTE x VESPA靚衫都已經斷碼！所以各位想買真係要快。 今次推出嘅2021春夏 DESCENTE x VESPA 全新聯乘系列JOY OF MOVEMENT．意動其中，係將日本專業運動品牌DESCENTE嘅運動美學，結合VESPA意式經典風格設計出嘅sport feel休閒服裝系列，用咗DESCENTE BLEU騎行生活系列為基礎，再結合VESPA嘅經典車款，顏色配搭都選用咗VESPA經典配色，包括海軍藍、芥末黃色同白色，配搭間條元素向經典致敬。 個人覺得系列雖然係運動系休閒風，但帶有VESPA嘅意大利式復古優雅，好有夏日清新感覺，同埋最緊要唔難carry，剪裁好好，可以幫我修飾身形，想買VESPA限量版就要快啲去美麗華商場DESCENTE旗艦店睇睇喇，仲可以順便睇埋最新推出嘅DESCENTE TRAINING & DUALIS 夏日系列㖭。 DESCENTE旗艦店尖沙咀彌敦道118-130號美麗華廣場二期地下G62號舖及1樓162號舖:::::::追蹤Mrs Co:Lam 凱林家生活 :::::::::如果喜歡我的分享，記得追蹤埋「Mrs Co:Lam 凱林家生活」其他平台，更快知道更多更好的有趣資訊。Mrs Co:Lam 凱林家生活Facebook: www.facebook.com/mrscolamInstagram: www.instagram.com/mrscolamEmail: hello@mrscolam.comWebsite: www.mrscolam.com
