免費假日好去處🏝 適合情侶👫、親子👨👩👧👦 、閨蜜打卡📸、素食者🌿藝術外賣(自選時間場地節目):無伴奏演唱🎵、世界級搖搖🪀、默劇🎭、粵劇👲🏻、人像速寫👩🏻🎨、舞蹈💃🏻真人書初體驗6月14日端午節同老公喺大館玩左成日好盡興🥳 好彩上網搵好去處嘅時候留意到香港藝術節喺大館準備左一連串豐富節目😍 事先睇定唔同活動嘅開始時間,將行程安排到啱啱好冇悶場!而且因為藝術外賣(快閃現場演出)比預期更有趣更多樣化,結果展覽只可以走馬看花,要下次再黎睇過😋行程簡介:11:20 喺[樂茶軒]嘆早午餐12:30 去[03座訪客服務中心]攞大館fans禮品(最後只拎到優惠券😂禮品應該派晒😭)12:45 出黎見到有班後生仔女唱Acapella😲 問工作人員先知呢個就係其中一款藝術外賣🎤原來喺大館各處可以掃QR code WhatsApp落單📲 我地即刻嗌個C4「眼花撩亂」工作人員仲話喺Facebook live可以睇到現場做緊嘅表演!12:58 去到[賽馬會藝方]一樓睇《墨城》展13:15 落番[藝方]門外收外賣,原來「眼花撩亂」係搖搖表演,好新穎!13:30 槍房門口收C1「有聲有色」睇Acapella版蒙着嘴說愛你😍 工作人員話C1仲有另一款13:45 留番喺原位收C1第二款 因為同工作人員講已睇過Acapella,今次獲安排睇粵劇13:56 喺監獄廣場藝術節櫃枱拎到《猜x尋》卡片掃埋QR code喺whatsapp登錄開始遊戲14:00 洗衣場石階底右邊玩隨意門14:25 喺大館里見到人地嗌嘅外賣今次A餐ACAPELLA小隊唱英文歌14:30 去睇下隨意門藝術家嘅直播室 佢地有啲仲要兼顧外賣真係好忙15:15 藝方外收外賣C3無言嬉戲 睇默劇15:45 下晝藝方好多人 排左半個鐘先入到場 今次衝上3樓 一出𨋢就俾影音展覧吸引左15:55 洗衣場石階坐定個靚位睇[兩地書]16:45 洗衣場石階底左邊收外賣C3無言嬉戲 因為同工作人員講已睇過默劇 今次獲安排人像速寫17:00 我去番藝方出席已預約的《時間在午後陽光下睡著了》- 聽英語真人書[快樂王子] 由於真人書係單對單節目,老公就去左藝方3樓Between Cafe嘆下午茶17:45 大館里收C2手舞足蹈,先跟住舞者一齊跳輕鬆有趣嘅舞步,再睇佢充滿活力嘅獨舞。18:00 趕住番屋企晚飯,冇機會睇到夜晚[在水一方]嘅燈光效果,猜X尋亦未完成攞唔到小禮物😂希望遲啲有時間再黎玩過!Brunch@LockCha Tea House唔知因為端午節定星期日,12點後已經full booking, 我地果朝打去只係訂到11:00要12:30還枱。不過去到冇咩人好清靜 :D點擊圖片放大 感恩大館有間雅致高質嘅素食餐廳,而且喺Klook仲要有75折二人套餐優惠😍 可惜最期待嘅黑松露燒賣同芝士菠菜牛肉卷竟然未能提供😭 睇黎為左試呢兩味要再黎食多次樂茶軒😆 呢度茶款好多,去到$20,000都有。Klook優惠每款茶減$20。我揀左頂級有機牡丹王,老公就揀左黃小茶。兩款都係清甜順口,不過真係牡丹王更香更有層次,果然一分錢一分貨😋 很好奇飲最貴嘅1950年代紅印係會係咩體驗!🤔 張枱有電水壺可以自己加熱水沖茶,店員話浸茶葉十幾秒就要沖喇。 食物整體都不錯。個餐有湯飲不特止,仲好味到一開始飲以為係有肉嘅老火湯,之後先醒起係素湯🤣 點心最正嘅係蘿白糕,煎得香脆,配埋余均益辣椒醬真係好惹味!點擊圖片放大 +5 藝術外賣落單示範點擊圖片放大 青春可愛嘅acapella無伴奏合唱團原來係由兩隊人馬組成(IG: groundbreakerhk, boonfaysau)。佢地唱功不錯、和音正、beatboxing高水準,令人心情愉快!點擊圖片放大 《墨城》展覽點擊圖片放大 +2 世界級花式搖搖真係令我大開眼界! 第一次近距離睇粵劇,仲要係有名嘅劇目[胡不歸]。雖然對呢方面冇乜認識,只係去茶館劇場睇過一次禁大把,但都感受到演員好專業,炎熱嘅天氣完全冇影響佢唱戲嘅中氣同情感表達!👍🏻點擊圖片放大 有透明膠屏風,做足防疫措施! 成功集郵!玩「猜x尋」係熟習大館地型嘅好方法,不斷走黎走去連我呢個路痴都開始認到路😂 大館App個地圖幾方便。一邊玩仲可以一邊影相打卡(大館網頁有打卡攻略,果日仲有成班女學生喺度影畢業相添)。不過次次佢whatsapp嘅突發事件都唔喺我身邊,睇黎要成功儲齊六張自拍都係叫6次外賣好過😂 (但我地唔記得左同合唱團合照😭)點擊圖片放大 +6 現完記住同佢講checkout,否則會繼續狂收whatsapp😂隨意門 - 有啲表演係直播(表演者會睇到觀眾反應),有啲就係預先拍好嘅片點擊圖片放大 +5 每次有人開完門旁邊嘅工作人員都會即刻消毒門把👍🏻直播室點擊圖片放大 仲要兼顧埋外賣,真係好忙!辛苦晒一班表演者同幕後團隊!默劇表演好有張力,充分表達疫情下被困家中嘅壓力!點擊圖片放大 +5 藝方3樓 - 以《留念》為主題嘅影音展覽好特別! 《兩地書》 人像速寫🎨 畫家好好笑容好認真咁幫我地畫人像畫,只係幾分鐘都畫到好多細節! 真人書初體驗 ^u^ 喺藝方見到我本真人書原來係一個温婉可人嘅年輕女孩。我問佢大概講幾耐,佢話大概30-40分鐘。我同佢講我訂左17:45喺大館里嘅外賣,佢好好人咁話佢會講快啲等我趕得切睇表演。佢問我點解揀【快樂王子】,我話因為太遲預約其他已經滿左,而我又已經唔太記得呢個故事嘅內容,都想聽真人書講一次。見佢咁問,我就問佢其實呢個係咪唔適合我,應該係俾小朋友聽嘅故事? 喺講完成本書之後,佢再同我探討番呢個問題。原本以為真人書活動會喺藝方裏面進行,但佢帶左我去另一座大樓內一個好大嘅空間,真係有午後陽光從窗外灑進室內,裡面有幾款座椅,我想輕鬆啲就揀左坐豆袋。坐低之後佢開始用英文鉅細無遺咁將書中細節娓娓道來,細緻到我可以憑佢講嘅野喺腦中想象到生動嘅畫面,見到佢形容嘅景物同角色嘅表情。好鍾意佢柔和嘅聲線令人聽得好舒服😌 佢扮書中唔同角色講野嘅時候仲會用唔同嘅語氣同感情!事後問佢係埋學過朗誦/戲劇之類,先知佢原來舞台劇演員,難怪禁專業!書中劇情嘅發展令我感受到唔同嘅情緒,有哀傷、同情、不憤、温暖、感動。聽到結局直程有啲想喊。佢話佢選擇做呢本真人書係因為呢個細個聽過嘅故事,大個左睇另有一番感受,我聽完都深感認同。最後佢好好人咁送我去大館里,一路行一路同我介紹其他真人書,佢話如果情侶黎大館玩,最好預約同一時段一人聽一本之後可以一齊討論,最後佢話我知佢叫做Ellie。好感恩可以遇到佢,得到一個禁美好嘅藝術體驗,佢對快樂王子嘅分析亦令我再反思呢本書想表達嘅意思。老公喺Bewteen Cafe嘆嘅下午茶點擊圖片放大 +2 舞蹈外賣一開始舞者邀請我地同佢一齊跳,初頭有啲緊張驚唔識跳跟唔上,不過原來我地要跳嘅舞步有趣得黎又唔難!之後到我地欣賞佢嘅獨舞,非常之有energy! 真心覺得一整日藝外賣嘅藝術家好有才華,後生可畏啊!點擊圖片放大 +5 最後諗起大館禮遇優惠卷裏面有寫喺樂茶軒惠顧,可以得到一包茶嘅試飲裝,去到發現樂茶軒除左茶仲有賣鄭惠中布衣😲 後話:除左藝術節嘅相關節目,喺網頁見到大館仲有好多值得睇嘅展覽,6月20日之後都仲有大把野睇,大家有興趣嘅話就留意下啦!相關資訊:HKAF@TaiKwun Facebook livehttps://www.facebook.com/hkaf.at.taikwun/videos/1667946576927214/【香港藝術節在大館】官網https://taikwun.artsfestival.org/Mette Edvardsen的 《時間在午後陽光下睡著了》介紹及預約 (5月5 日- 6月30日)https://www.taikwun.hk/zh/programme/detail/time-has-fallen-asleep-in-the-afternoon-sunshine-by-mette-edvardsen/799【樂茶軒】餐飲優惠https://www.klook.com/zh-HK/activity/44329-lockcha-central/大館手機APPhttps://app.taikwun.hk/zh/tour【大館快拍】 打卡攻略https://www.taikwun.hk/zh/programme/detail/tai-kwun-snap/718https://www.taikwun.hk/zh/programme/detail/tai-kwun-snap/718大館夏季重點節目https://www.taikwun.hk/zh/programme/detail/summer-season-highlights/600