#8折自助餐 #超抵 #超好食 Harbour Plaza 8 Degrees 8度海逸酒店食自助餐一向都好受歡迎， 不但款式多，而且高質，林太為咗培養一個識飲識食嘅bb，梗係要試 （為食的藉口）! 今日就約埋 #全職bb聯盟 齊齊食餐勁嘅， 但估唔到嘅係上網訂座， 就已經有八折優惠， 一位大人都只係約$380， 就已經可以無限任食海鮮冷盤、生蠔、煮青口。。 仲有瘋狂食甜品，包括最有名嘅皇牌芒果拿破崙! 《#夏日海鮮狂熱自助晚餐》 即日起至9月30日，酒店大堂8度餐廳推出緊夏日海鮮狂熱自助晚餐， 由冷盤至熱葷，食物款式多到我數唔到， 最多人排隊嘅，梗係即開生蠔、冰鎮海鮮同波士頓龍蝦啦， 仲有現場即製嘅鵝肝多士同埋意式煲仔白酒煮藍青口等，一定要試! 熱葷包括泰式青芒果沙律、花蜜麻香鴨腎、黑椒吞拿魚野菜沙律、 泰式咖喱大頭蝦、日式醬燒牛肋條、避風塘冰島龍脷柳等; 甜品區就有芒果乳酪慕絲蛋糕、香橙咖啡芝士蛋糕、草莓忌廉蛋糕等， 仲有即製榴槤班戟同埋窩夫， 另外亦有Häagen-Dazs雪夏日限定柚子香橙雪糕及奇異果芒果乳酪雪糕， 款式多到我成晚不停口食，都只係食咗一半唔夠嘅嘢。。。 想試曬咁多樣嘢，真係要幾次先得喎! ｛推介必吃｝ #花膠北菇螺頭燉雞 足料靚湯大大碗， 夠曬火喉，大大嚿花膠真係好滋寶，媽媽們最少一人一碗啦。 #意式煲仔白酒煮藍青口 現場即製藍青口， 有姿勢有實際， 視覺味覺同享受， 入口creamy，肉質鮮嫩，冇得輸! #雜錦芝士拼盤 芝士拼盤有好多款芝士，而且部分味道唔係太濃，啱曬小朋友食， 仲可以配塊餅乾仔添! #雜果啫喱 超多款式水果嘅啫喱，淨係個色彩繽紛嘅賣相都已經好靚， 而且滋味清新，林小姐食得十分開心! #皇牌芒果拿破崙 一定一定要食，仲要唔止食一嚿! 因為呢個係呢度嘅皇牌產品， 鬆脆嘅酥皮，香甜嘅芒果，creamy嘅吉士醬，一層一口感， 簡直完美嘅甜品享受! #即製榴槤班戟 現場師傅即製榴槤pancake， 軟骨嘅忌廉加上香甜嘅榴槤肉，yummy! 放心size 唔太大， 想留肚食其他嘢一樣得，唔夠喉亦可以食多個! 《後記》 BB食自助餐係唔使錢嘅，嘴刁嘅林小姐今晚食得好高興，一共refill 左6次，食咗六隻大蝦、一隻龍蝦、一個羊架、一堆芝士幾塊餅乾、 一塊煎魚、 西瓜蜜瓜、水果啫喱，等等。。。 食到夠鐘都仲未肯收手，所以媽媽覺得好抵食，亦證明呢度好啱帶小朋友呢! 價錢（成人、長者、小童） 星期一至四 $478、$408、$338 星期五、六及公眾假期 $508、$458、$388 ☆酒店eShop預訂享高達8折優惠 時間: 下午6時至9時半 日期: 2019年7月1日至9月30日 地址: 香港九龍土瓜灣九龍城道199號 電話: 2126 1960
