最近負能量爆燈，係時候放低小朋友， 好好哋同好朋友享受 #WeTime， 難得出走，我同自己約定，一定要重拾一顆少女心～ 是日就約定 DK Cuppa Tea，響充滿香薰氣息環境下， 歎個「幸福樂園」下午茶 Happy Paradise Afternoon Tea， 一齊玩「魔法咭」，傾下心事，再用香薰精油治療下負能量， 快差一個電，林太表示活力返哂黎！ 「幸福樂園」下午茶 由可愛鹿鹿帶你飛過雪地草原，響天綠松石藍色遠方， 享受一片閒逸寧靜 薰衣草伯爵茶雲雨茶 藍藍有機棉花糖，配一杯熱茶，輕輕地融化，落下浪漫藍雨， 覺得落雨好憂鬱？但今次場雨係甜甜的！ 煙燻三文魚帶子馬鈴薯現法國蝸牛 香噴噴嘅煙三文魚加上肉厚肥美嘅帶子， 今日蝸牛換上左啖啖肉嘅青口，十分滋味！ 濃香沙樂美腸及兩款芝士 帶辛辣口味嘅莎樂美腸， 配上香軟又細細粒嘅芝士，一口一風味。 乾果拼盤 急速乾燥技術保鮮的蔬菜和水果脆片配黑松露粉，甜香出色！ 黑松露牛肝菌湯 酒杯裏面嘅湯，菌味香濃，入口creamy， 最鍾意係一杯杯拎住飲，好優雅啊！ 黑松露法式奶凍 細細杯奶凍，充滿蛋香，又滑又香甜， 配埋黑松露，味道更突出！ 星空柚子朱古力甜品杯 親手加入黑巧克力漿， 星空球慢慢融化， 混合芝士蛋糕一齊食， 甜甜香香嘅感覺好幸福啊！ 魔法咭 食完嘢一定要玩， 有五張魔法卡， 一張蝴蝶許願卡， 你可以心中默想你嘅願望， 然後抽一張卡做占卜， 每一張卡都會配合唔同嘅香薰， 亦都有唔同嘅寓意， 最後將你嘅願望寫喺蝴蝶上面， 掛響願望牆，祝自己美夢成真！ pay it forward!《開心法術》 老闆娘Kat Lai本身係香薰治療顧問及催眠治療導師，有超過20年專業經驗。 推出左呢本《開心法術》慈善書， 向各位分享過去一年多如何在逆境中把負能量轉化成正能量， 希望可以將收益捐助屯門醫院內的銘琪癌症關顧中心， 提高對病人的心理支援；及Lifewire《護．聯網》， 以支援特殊疾病兒童，要多多支持啊！ ——————————— DK Cuppa Tea 上環新街市街19號地舖
