專頁留言hi我: https://www.facebook.com/HiMrRoo/ 即係就咁既… 正宗既risotto呢, 其實的米既中間心應該係僅生的, 不過呢, 呢種半粉筆既口感就唔係人人中意的, 所以意大利以外 (包括澳洲呢度既人) 其實通常都會將的米煮到全熟的。 之但係又咁喎, 正宗煮得好既risotto係僅生米, 留意係 “僅生”, 唔係 “半生”, 半生就真係太生喇, 而僅生係一個好高既境界, 咬落去應該係只有 a hint of 粉筆, 而唔係釀粉筆, ok? 其實好容易煮既 咁有咩材料呢: 米(Arborio rice) 1杯 洋葱 1個 酒 1/3杯 海鮮(魚/蝦/尤魚etc.) 500G或者有咁多得咁多 牛油 50g + 50g (即好明顯係分開兩份啦) 蒜蓉 (乾濕都得) 2湯匙 蔬菜(合時就得 ) 500G 海鮮湯 1公升 熱水 約2公升 Cheese (最好係Parmesan) 隨你中意 咁樣煮既(其實好簡單架咋): 蔬菜洋葱切粒 鑊落牛油, 落洋葱(可以落埋蔬菜) 落米 炒下佢 落酒 撩下佢 落海鮮湯 撩 如果落晒海鮮湯, 應該已經夠鹹, 就改落水 10.不斷撩 11.重複6-10 12.海鮮另外起鑊用牛油同蒜蓉煎熟 有幾樣野要講: 香港既海鮮應該又鮮又平既, 唔似得澳洲呢度咁貴 (仲要頂你急凍既), 你地可以隨心揀。 咁其實唔係真係有十幾個步驟既, 只不過係落料、撩、料、再撩咁樣不斷重複直至米熟 (OR你要好Italian既就僅熟囉)。 如果你唔想另外煮的蒜蓉海鮮, 其實你一次落晒去撩都得既, 不過我就唔中意咁樣因為海鮮會容易煮到好老, 同埋我中意蒜蓉牛油味煎過既海鮮。 咁risotto就煮到濕濕地, 又唔好太水, 幾creamy咁就得架喇, 而唔太水個秘訣就係不停咁撩佢, 因為咁樣的米既starch就會撩左出來, 咁的海鮮湯/水就會杰喇。 Cheese隨你喜歡落幾多, 一般來講就用Parmesan, 先有risotto果種香味, 我今次其實無落。 當然如果你用新鮮海鮮煮個海鮮湯再用來煮個飯, 咁出來飯底個味會更鮮, 我只係懶先用盒裝湯, 海鮮高湯通常用蝦頭/蝦殼/龍蝦頭/殼煮出來係最鮮甜好味既。 專頁留言hi我: https://www.facebook.com/HiMrRoo/