一向對電影有份說不出的情懷，可能係同生活習慣有關。記得細個個時因為屋企人要返工，所以夜一夜唔訓都無人理，深夜嘅粵語長片可以話陪我度過不少個夜長。到再大個少少，可以睇TBB的每逄假日的電影精選，逃學威龍、生不了情、金枝玉葉、家有喜事、賭神…..等經典之作，到今時今日都值得回味。 點擊圖片放大 +2 記得第一次入戲院係向母親大人要求的生日禮物，個心情到依家都仲記得，係緊張、興奮同開心，但睇個部電影就真係………哈哈哈，不提也擺。 由個時開始，已經同自己講電影會係我永遠唔會捨棄嘅其中一個生活必需品。所以當有一點點能力的時候，已經會約三五知己去戲院睇戲，而每張票都會留下做為一份記諗。好記得中學個時，”老翻”真係成行成市，其實自己都支持過一段時間，但到後其愛了一個電影人的節目，如果所有人都支持反版，電影世界就真的會死。由個時開始，情願食少一餐，買少件衫都會入戲院支持，就算買碟，都會買回正版，時至今時今日，依個習慣仍然不改。 可能真係人大左，記情就無咁好，所以2014年終於下定決心，開一個新的blog記錄所有電影及身邊的有趣事情。所以今日正式….. 新舖開張!!!
